Myń ólip myń tirilgen táýelsiz Qazaqstannyń qaı túkpirinde barsańda orys tilinsiz kúniń qarań ekenine kózim jetti!!! Konstıtýsıadaǵy «qazaq tili - memlekettik til» degeni bos sóz eken. Qazaq eline 25 jyl!!! Shırek ǵasyr!!! Osy aralyqta Qazaqstan- orystildi memleket bolyp qalyptasyp ketkenin moıyndaýǵa týra kelip tur. Buny kórip qazaq bolyp qalaı nalymaısyń!!!
Tipten basqa ult ókilderiniń «qazaqtar, saıasattaryńdy basqa memlekettiń tilinde júrgizseńder, senderge táýelsizdik nege kerek» degen ezýlerindegi mysqyl kúlkilerin de sezemin. Osyndaıda «Ne isteý kerek?!.» degen suraqty ózime-ózime qoıyp jaýabyn taba almaımyn. Óıtkeni el basqarǵan tórelerdiń 99 paıyzy qazaqtar, al el halqynyń 70 paıyzy qazaqtar.
Tipten tildiń bedelin kóteretin syrtqy ister mınıstriniń jáne basqa da laýazymdy tulǵalardyń shetelge resmı saparlary kezinde el saıasatyn nege orys tilinde júrgizetinderine múldem túsinbeımin, sonda Elbasynyń jilikteı shaǵyp bergen «Máńgi el», «Uly dala eli» jobalary qaıda qalady. Al bul jobalar qazaq ultynsyz, qazaq tilinsiz júzege aspaıtyn jobalar. Álde Qazaq eli «máńgi el» bolǵany ma!?: Elbasy aıtqan «qazaq pen qazaq oryssha sóılessin, qazaq tili Uly Dala tili» degen qanatty sózderi kimderge aıtylǵan!?.
Degenmen shetelge qazaq eliniń atynan barady ekensiń óz tilińde sóıle, elimizdiń táýelsiz saıasatyn júrgiz, al eger basqa eldiń tilinde saıasat júrgizý, Qazaq eliniń basqa eldiń qoljaýlyǵy bolǵany. Iaǵnı qazaq eliniń táýelsiz saıasaty joq degen sóz.
Biraq bir jaqsysy álemge aqyl, ártúrli usynystar aıtamyz, biraq jer astyǵynyń baılyǵyn usata almaı talan - taraj salamyz, jerdi ıgere almaı satamyz, óz tilimizde sóıleýdi ar kóremiz, sonda biz qandaı memleket «qurýdamyz»???
Taǵy da kókeıde júrgen qyjyl ol tórde otyrǵandardyń óziniń tilin, salt-dástúrin mansuq qylǵandary, óıtkeni 25 jyldyń ishinde bir urpaq ósip shyqty sol urpaq qazaq tilin paıdalaný kerek emes pe, joq, kerisinshe qytaısha, oryssha, aǵylshynsha úırenińder dep qazaq tilin tasada qaldyrdy, al ónegeni ekonomıkasynyń kejegesi keri ketken orystan úırenińder degenderi elim - jerim dep el basqaryp otyrǵan azamattardyń qaı tirligi?! «Qazaqtyń jaýy qazaq» bolǵany ma!?.
Jalpy qazaqtar qanaǵatshyl halyqpyz ǵoı tek tynyshtyq bolsa eken deımiz...
Sonda da qolynda bıligi bar azamattar qazaq tilin tuqyrtpaı, qazaq halqyn muqatpaı, eldiń abyroıyn kóterip, Qazaq eliniń mártebesin asqaqtatsa eken, óıtkeni Prezıdentimiz 1997 jylǵy strategıalyq joldaýynda barsha azamattardyń qazaq ultynyń aıasynda toptasý kerek degen edi. Qazaq tili – eldigimizdiń tiregi bolsyn.
Ersin Erǵalıev
