Osydan birneshe kún buryn tanymal ánshi Karına Abdýllına óziniń Facebook paraqshasynda bir jigitti izdeıtinin aıtqan bolatyn.

“Búgin “Rıts Palas” janyndaǵy janarmaı beketteriniń birinde jas jigitpen kózimiz túıisip qaldy. Ol maǵan qadalyp qarap turdy, men de kózimdi almaı uzaq qaradym. Kezek kóp bolǵan soń oryndy bosatýym kerek bolyp asyǵys júrip kettim. Biraq sol sát esimnen keter emes. Jigit! Feısbýk jelisinde bar bolsań, maǵan jekege jaz. Seniń kózińnen ózim izdegen dúnıelerdi taptym”, – dep jazǵan edi Karına Abdýllına.

Caravan.kz medıa-portaly bul hıkaıanyń nemen aıaqtalǵanyn anyqtady, - dep habarlaıdy Qamshy.kz.

- Shynymdy aıtsam, meniń jazbam osynshalyqty qyzyǵýshylyq týdyryp, kópshiliktiń qoldaýyna ıe bolamyn dep kútken joqpyn, deıdi Karına.  - Tanymal ánshi bolyp, halyqtyń aldynda júrgendikten eldiń maǵan degen kózqarasyna úırengenmin. Biraq bul kózqaras múldem erekshe boldy.  Sol sebepti de úıge kelgen boıda, osy jazbany jazyp shyǵardym. Maǵan qanshama jigittiń hat jazǵanyn bilseńizder ǵoı! Kezdesýge shaqyryp, tipti usynys jasaǵan júzge jýyq habarlama keldi. Olardy jazǵan barlyq jigitke alǵysymdy aıtamyn. Alaıda solardyń ishinen ózim izdep júrgen jigittiń habarlamasyn taýyp aldym. Nesin jasyraıyn, qýanyshtan tóbem kókke jetti.  

- Sizdi óz kózqarasymen baýrap alǵan jigit kim boldy eken? Otbasyn qurǵan ba?

- Joq, boıdaq. Óte symbatty jigit. Zań qyzmetkeri. Jaqynyraq tanysa kele, onyń óte bilimdi, aqyldy adam ekenine kózim jetti. Óleń shyǵarady, án aıtady, tipti azdap gıtarada da oınaıdy. Sonymen qatar, «Múzıkola» tobynyń shyǵarmashylyǵyn súıip tyńdap, qurmetpen qaraıtyny meni qýantty.

- Ol baqytty jannyń esimi kim?

- Bul qupıa.