Qazaqstandyq toqaldar qaltaly erlerdi qalaı paıdalanatynyn ashyq aıtyp berdi, - dep habarlaıdy Qamshy.kz NewTimes.kz - ke silteme jasap.
Egde jastaǵy azamatpen qushaqtasyp ketip bara jatqan jas qyzdy kórý búginde tańsyq bolmaı ketti. Osy oraıda, qarttarǵa toqal bolǵan kelinshekter ózderiniń tańdaýlaryn túsindirýge tyrysty.
21 jastaǵy Madına óziniń toqal bolýyn balalyq shaǵynda ata-ana qamqorlyǵynyń jetispeýshiliginen kóredi. Ol óziniń egde jastaǵy azamatpen kóńil qosqanynan esh ábestik kórmeıtinin alǵa tartty.
«17 jasymnan-aq men eresek erlerdi unatatynmyn. Ózimnen jasy úlken azamatpen bolýdy qalaıtynmyn. Ákesiz óskesin, maǵan eresek jannyń qorǵanysh bolǵany jetispedi. Anam ózge erkekpen turyp jatqasyn, ózimdi bóten adam sezinetinmin», — deıdi ol.
«Men ony klýbta jolyqtyrdym. Jasym 19-da edi. Al ol 25 jasqa menen úlken. Semeıdegi iri kásipker bolǵandyqtan, ony bári tanıdy. Bizdiń kezdesip júrgenimizge eki jyl boldy. Ol áıelin súımeıdi, al áıeli men týraly múldem habarsyz. Ol súıkimsiz kári shal emes, ózin sportzaldan shyqpaı kútinetin bedeldi azamat. Biz tek tósek qatynasyn emes, rýhanı qatynasty da ustanamyz. Áıeli - shý shyǵarǵysh mystan kempir. Ol áıeliniń kezekti janjalynan sharshap, maǵan keledi. Biraq eki uly bolǵasyn otbasyn tastaýdy suraǵan emespin», - deıdi boıjetken.
«Qurbylarym da otbasyly erlermen kezdesedi. Sharshap, jumys isteýdiń ne qajeti bar? Bizdiń maqsat - qashan da sulý bolý. Segizinshi naýryz jáne jańa jylda ol qashan da áıeliniń qasynda. Alaıda jetinshi naýryz ben 30-shy jeltoqsanda menimen birge. Týǵan kúnin ol menimen birge ótkizedi. Menimen ózin jumaqta júrgendeı sezinedi. Maǵan jaqsy eki bólmeli páter jaldap berdi. Lexus GS 350 kóligin syılady. Men ózime kútim jasap, ol úshin sulý bolyp júrýim kerek. Buǵan aıyna shamamen 150 myń teńge ketedi. Ony da kúıeýim óz qaltasynan tóleıdi. Qarapaıym áıeline fıanıt qana syılasa, meni brıllıanttarmen kómkeredi. Qalaǵan kıimimdi kıip, qyzdarmen kóńil kóteremin», - dep maqtandy ol.
Bolashaǵy týraly suraqqa ol "ul bala taýyp bersem, eshteńeden taryqpaıtyn bolamyn" dep jaýap qaıtardy.
«Maǵan bári unaıdy. Eshkim mıymdy ashytpaıdy. Kez-kelgen boıjetken óz qalaýynsha ómir súrgisi keledi. Ol maǵan qashan da jyly sóıleıdi. Al áıelimen qalaı sóılesetinin estigenimde, ony aıap kettim. Men ony áıelin tastaýǵa úgittemeımin. Al mahabbattyń mańyzy joq. Ol tek qıyndyqtar týdyrady. Erkekterdi paıdalaný kerek. Al paıdalana almaıtyndar - naǵyz aqymaqtar», - dep túıdi boıjetken.
25 jastaǵy Ásel esimdi boıjetken de toqal ekenin jasyrmady.
«23-ke deıin men eshbir erdi qasyma jolatqan emespin. Qaraǵandydan Astanaǵa kóship kelgenimde, aqshadan tarshylyq kórdim. Men ózime kómek beretin qaltaly azamatty tapqym keldi. Bir kompanıaǵa jumysqa turýǵa barǵanymda, onyń basshysyna unap qalǵanymdy birden túsindim. Oǵan kóp uzamaı páktigimdi syıladym. Biz birge álem aralap, kóńil kóteremiz. Úsh balasy bar otbasyly azamat ekenin basynan-aq bildim. Degenmen ol meni súıedi. Maǵan kólik pen páter satyp alyp berdi. Men Range Rover kóligin qaladym, al ol maǵan Mercedes satyp aldy. Tipti meni tastap ketetin bolsa da, men utylyp otyrǵan joqpyn. Biraq kete qoımas, sebebi odan júktimin. Bundaı jaıttar kóptep kezdesedi. Al buǵan kúıeýin osyndaı kúıge jetkizgen áıelderdiń ózi kináli», - deıdi Ásel.
22 jastaǵy Aızada bolsa, 48 jastaǵy er adammen kóńil qosqan.
«Meni jigitter mezi etti. Men tártipti bolyp, ózimmen jasty adamǵa nemese bir-eki jas úlken jigitke turmysqa shyqqym keldi. Alaıda búginde laıyqtylar joq bolyp shyqty. Jasy 25-ke jetse de, kóbi ata-anasynyń arqasynda kún kórip otyr. Úılenýge de, jumys isteýge de qulyqtary joq. Sondaılardyń birine bes jylymdy sarp ettim. Keıin sharshap kettim», - deıdi Aızada.
«Ulymnyń ákesimen Louis Vuitton býtıginde tanystym. Ádeıi osy býtıkke tek qaltalylar keletinin bilip, jumysqa turdym. Men model bola alatyn edim, usynystar kóp bolatyn. Alaıda men qasymda jaqsy erdiń bolǵanyn qaladym. Birinshi ret kelgeninde, áıeline sómke tańdaýǵa kómektestim. Keıin ózine belbeý satyp alýǵa taǵy keldi. Belbeýdi kıim ólsheıtin jerde sheshe almaǵandaı bolyp, meni shaqyryp aldy. Solaı qarym qatynasymyz bastalyp, úsh aıdan keıin men júkti bolyp qaldym. Ul týyp berdim. Onyń ekinshi páterinde turyp jatyrmyn. Men oǵan áıeli syılaı almaǵan uldy taýyp berdim. Sol sebepti, ol bizdi tastamaıdy. Áıeli men týraly bilip qoıdy. Degenmen jeńilýdi biletin aqyldy áıel eken, esh shý shyǵarmady. Men de ana bolǵandyqtan, kúıeýime tolyq quqym bar. Bálkim olar ajyrasyp keter, biraq men ony qalamaımyn», - dep aqtaldy boıjetken.
