Jalpy, baý-baqsha ónimderin kórshi memleketterden tasymaldamaı-aq ózimizde óndirýge tolyq múmkindik bar eken. Ońtústikte alma ósirýmen 148673 sharýashylyq aınalysady. Óńirimizdiń 7376,5 gektar alqabynda alma baýy jaıqalyp tur.

Búginde oblysymyzda shetelderde ǵana ósetin alma túrleri jersine bastady. Máselen, Saryaǵash aýdanynda 15 gektar jerge ıtalándyq alma egildi. «Yntymaq – Bes arys» JSHS dırektory Jomart Ábdimaev ońtústiktiń klımatyna kóndigip ósip, ónim beretin alma túrlerin tańdaǵanda qatelespegenderin alǵa tartady. «Uzatylǵan» almany ıtalándyqtardyń ózderi kelip kórip, tańyrqap ketipti. «Sizderdiń jer bizdikine qaraǵanda qunarly eken» degendi de sol ıtalándyqtar aıtqan. Italándyq alma kóshetteri tez ósýmen birge jemisin de kóp kúttirmeı beredi eken.