Túlkibastyń almasy aýdannyń brendine aınalmaq. Bul baǵyttaǵy jumystardy júzege asyrý úshin «Maksımým» aımaqtyq ınvestısıalyq ortalyǵynan 400 mıllıon teńge bólingen.

Aýdanda alma baýlardy qaıta jańǵyrtyp, jemis-jıdekti aımaqqa aınaldyrý maqsatynda 2015 jyly 725 gektar jerge alma baýy egilip, jalpy kólemi 2791 gektarǵa jetken. Bıyl «Maksımým» AIO-dan alynatyn qarjy kásip ashýǵa nıetti áleýmettik jaǵdaılary tómen jáne jas otbasylarǵa jatatyn 50 shaqty shańyraq ıesine berilip, alma baýdyń kólemin 4 myń gektarǵa jetkizý josparlanýda.

Sonymen birge osy jumystardyń ońdy iske asýyna polshalyq ınvestorlar da atsalyspaq. Sheteldik baǵbandar taýly ólkede alma baýyn egip qana qoımaı, saýda-logıstıkalyq ortalyǵyn salýdy da kózdep otyr. Sóz joq, osy jobalardyń barlyǵy júzege asqanda baǵbandardyń ónimderi ishki naryqpen qatar, elimizdiń ózge aımaqtaryna da shyǵarylyp, saýdalanatyn bolady.

Qazir túlkibastyq baǵbandar ónimniń ysyrapsyz saqtalyp, óńdelýi jóninde bas qatyrmaıdy. Josparly jumystardy atqarý úshin jergilikti ákimdik jemis-jıdekter saqtaıtyn 9 qoıma, «Údemeli ındýstrıaldy-ınnovasıalyq damý baǵdarlamasy» aıasynda iske asqan jemis-jıdek konsentrattaryn jáne tabıǵı sýsyndar shyǵaratyn 3 kásiporyn ashty. Aýdanda baý-baqsha, jemis-jıdek, kókónis ónimderin barynsha kóbeıtý jáne óńdeý, sonymen qatar saqtaý boıynsha jumystar aldaǵy kúnderi de jalǵasyn tappaq. Qysqasy, Túlkibas aýdany almanyń otanyna aınalatyn kún taqaý.