Aqtaý polıseıleri turǵyndardan 6 jasar qyzdy zorlady delingen kúdiktini izdestirý jumystaryna kómektesýin suraıdy, - dep habarlaıdy "Lada".

Osyǵan baılanysty aq tústi Daewoo Nexia markaly kólik izdestirilip jatyr. "20 tamyzda, senbi kúni shamamen saǵat 12.00-den 13.00-ge deıin er adam birinshi yqshamaýdannyń № 29 úıinen 6 jasar qyzdy "Prımorskıı" aýylyna qaraı alyp ketken. Balany qorlap, tastap ketken. Osy ýaqytta sol aýdanda bolǵan nemese jaǵajaıdan qaıtyp bara jatqan adamdardan vıdeotirkegishterin qarap shyǵýyn suraımyz. Eger sizde qandaı da bir aqparat bolsa, habarlasýyńyzdy suraımyn. Er adam boljam boıynsha, murtty, shamamen 35-45 jas aralyǵynda", - dedi Aqtaý İİB basshysynyń orynbasary Asqat Omarov.

Eske salaıyq, Aqtaýda 20 tamyzda № 1 yqshamaýdanda 6 jasar qyz joǵalyp ketken bolatyn. Al keshe, 22 tamyzda 6 jasar qyzdyń zorlanýy deregi boıynsha tergeý bastaldy.