«Rassvet» óndiristik kooperatıvinde ashytylǵan sút ónimderin shyǵarý túriktik tehnologıa boıynsha atqarylady. Atalǵan óndiristik proseske jaýapty Túrkıadan arnaıy shaqyrylǵan maman-tehnolog Mustafa Shahbaz kásibiniń naǵyz sheberi dersiz. Ol jergilikti mamandarǵa óziniń bilgenin úıretýden sharshaǵan emes. Aıta keterligi, munda irimshik óndirý memleket tarapynan 900 myń teńgege sýbsıdıalanǵan eken. Kásipkerler úshin bul, árıne, úlken kómek.

Jasyratyny joq, kúz-qys maýsymynda shyǵarylatyn ónimderdiń kólemi ájepteýir kemı bastaıdy. Degenmen, daıyn ónimder turyp qalmaı, tez satylady. Bilikti basshy N.Ábdiqadyrovtyń óndiristi sheber uıymdastyrýynyń arqasynda kooperatıv «2014 jyldyń sala kóshbasshysy» atansa, ózi byltyr «Jyl mamany» atalymyn jeńip alypty.