Aýyl sharýashylyǵy basqarmasy mamandarynyń aıtýynsha, Ońtústikte búgingi tańda 4 430 000 qoı bar. Onyń 440 myńy – qazaqtyń qylshyq júndi qoıy, 43 myńy – qarakól, 35 myńy – bıazy júndi qoı. Qazaqy qoı oblystyń barlyq aýdandarynda ósiriledi. Al, qarakól qoı tuqymy Túrkistan qalasy, Otyrar, Sozaq, Maqtaaral aýdandarynda ósirilse, bıazy júndi qoı Qazyǵurt, Saryaǵash, Tólebı, Túlkibas aýdandarynda kóp.

Sonymen qatar, sońǵy jyldary jergilikti ǵalymdardyń seleksıalyq jumystarynyń arqasynda jańadan «Ordabasy» qoı tuqymy shyǵarylyp, búgingi tańda óńirdiń barlyq aýdandaryna taratylýda. Búginde osynaý asyl tuqymdy qoıdyń sany 96 myńǵa jetti.

Oblystyq aýyl sharýashylyǵy basqarmasynyń mamandary jıynǵa qatysýshylarǵa QR «Asyl tuqymdy mal sharýashylyǵy týraly» Zańyna engizilgen ózgerister men tolyqtyrýlardy túsindirdi. Zańǵa sáıkes, «asyl tuqymdy sharýashylyqtyń» ornyna «asyl tuqymdy mal sharýashylyǵy» sózi qoldanylady.