Ońtústik Qazaqstan oblysy Sozaq aýdanynda asyl tuqymdy mal ósirý, bordaqylaý jáne mal ónimderin óńdeýge baǵyttalǵan «Soz-Agro» korporatıvtik qory quryldy. Atalmysh korporatıvtik qor bordaqylaý arqyly asyl tuqymdy mal ósirýme aınalyspaq. Sol úshin bql qorǵa memleket tarapynan áli talaı kómek kerek bolary sózsiz. Sebebi qoldaý barda nátıjeli jumys bolatyny belgili.
Buǵan aımaq basshylyǵy jáne ýran óndiretin fransýzdyq «Areva» kompanıasy men birlesken qazaq-fransýz kásiporny – «Katko BK» jaýapkershiligi shekteýli seriktestigi arasyndaǵy kelissózder nátıjesinde qol jetkizilgen eken. Eki el arasyndaǵy baılanysty nyǵaıtqan bul kelisim aldaǵy ýaqytta qaıtalanbas as tuqymdy mal ósirýde núzdik shyǵyp, aýyl sharýashyqyqqa aıtarlyqtaı úles qosatyny belgili. Sol sebepti aýyl-aımaqtaǵy malmen aınalystany úlken-kishili sharýalardy mal ósirý men mal ónimderin óńdeýde óajetti qoldaýdy berýge ázir bul uıym.
Ońtústik Qazaqstan oblysyna qarasty Sozaq aýdanynda qurylǵan bul agro qory aldaǵy ýaqytta aýyl sharýashylyǵyna aıtaryqtaı jańa ıdeıalar men tabysty eńbek ete berýdi maqsat etip otyr eken. Aıtýylarynsha, bul úshin arnaıy bıznes jospar da quryp ulgergen. Tek nátıjeli eńbek etý ǵana aldaǵy ýaqyttyń enshisinde kórinedi.
Atalǵan bastamanyń quryltaıshysy – «Areva NS Katko-Demeý» korporatıvtik qory. Sonymen birge, «Soz-Agro» Qazaq ulttyq agrarlyq ýnıversıtetiniń ǵalymdarymen birlesip aımaqtaǵy aýyl sharýashylyǵyn damytýdy kózdep otyr. Jalpy, sheteldik ınvestorlar joǵarydaǵy joba aıasynda teriskeıdiń agro salasyna 400 mln. teńge ınvestısıa quıǵan eken.
