Ońtústik Qazaqstan oblysynda jyl sońyna deıin «Bereke» baǵdarlamasy boıynsha myńǵa jýyq otbasylyq shaǵyn mal bordaqylaý alańy ashylmaq.
Sol úshin «Jumyspen qamtý-2020 jol kartasy» aıasynda 7 mlrd 200 mln teńge bólingen. «Bul byltyrǵa qaraǵanda 4 ese kóp», - deıdi «Aýyl sharýashylyǵyn qarjylaı qoldaý qory» ókilderi. Jyl basynan beri oblys boıynsha 2,5 mlrd teńgedeı qarjyǵa 913 joba qarjylandyrylǵan. Baǵdarlama aıasynda berilgen shaǵyn nesıeniń 70%-y mal sharýashylyǵyn damytýǵa jumsalyp otyr. Bıyl 8 myńǵa jýyq iri qara satyp alynbaq. Negizinen úıirgelik sharýashylyqtarǵa 3 mln teńgege deıin tómen paıyzben nesıe beriledi.
Otbasylyq bıznes ókilderi óndirgen ónimderin ári qaraı naryqqa shyǵarýǵa yqpal etetin kooperatıv qurý máselesi de sheshilip qoıǵan. Olarǵa 50 mln teńgege deıin qoldaý kórsetiledi.
Ábdisamat Ibragımov, fermer:
- 2020 baǵdarlamasy boıynsha jeńildetilgen 6%-dyq nesıe alyp otyrmyn. Qazir ol aqshaǵa 18 bas iri qara mal aldym. Qudaı qalasa, ony 5-6 aıda baptap-kútip, soıý alańyna aparyp soıamyn. Násip etse, úsh jylda osy maldyń basyn 50-60 basqa jetkizýdi josparlap otyrmyn.
Jandar Omarov, «Aýyl sharýashylyǵyn qarjylaı qoldaý qory» AQ basqarma tóraǵasy:
- OQO pılottyq oblystyń biri bolyp esepteledi. Sondyqtan tórt ese ulǵaıyp, 7,2 mlrd teńge boldy. Nesıeniń bári kepildemesiz berilmeıdi. Kepildeme negizinde bolǵan soń, qaıtarymdylyǵy 95-96%-ǵa jetip otyr.
