Ońtústik Qazaqstan oblysynyń sharýalary tálimdik jerge egilgen bıdaı men arpadan da rekordtyq ónim jınap jatqan kórinedi. Óńirde egin orý naýqany bastalǵaly beri 416 myń tonnadan astam astyq qambaǵa túsken. Qyrmanǵa taǵy 14 myń tonna dán quıý josparlanýda. Bul byltyrǵyǵa qaraǵanda, 84 myń tonnaǵa artyq. Maýsymdyq jıyn-terimge 39 myń tonna arzandatylǵan dızel otyny bólingen eken. Onyń 11 myń 500 tonnasy sharýalarǵa úlestirilip berilgen. Bıyl oblysta 195 myń gektardan astam jerge bıdaı men arpa egilgen. Onyń kúni búginge deıin 97 paıyzy jınalyp úlgerildi. Sharýalar astyq orý naýqanyn bir aptanyń ishinde tolyq aıaqtaımyz dep otyr.

Ońtústik Qazaqstan oblysynyń sharýalarynyń aıtýynsha, bıylǵy jyly da bitik shyqqan ónim mol tabys ákelgen. Aıtýlarynsha, kelesi jyly da dál osylaı bıdaı men arpadan rekordtyq ónim jınaýdy óz maqsattaryna mindettýdi josparlap otyrǵandaryn aıtty.

Keńesbek Alpysbaev, oblystyq aýyl sharýashylyǵy basqarmasynyń bólim basshysy: - Bizde taýly aımaqtarda qalyp turǵan shamaly egis alqaptary bar. Tólebı, Túlkibas, Qazyǵurt aýdandaryn da qalyp otyr. Bul osy shamamen 5-6 kúnde tolyq orylyp bitedi degen josparymyz bar. Oblys kóleminde Tólebı aýdanynda gektar túsimi 26 sentnerden, Túlkibasta 25,5-ten Qazyǵurtta 22 sentnerden ónim alynýda. Bıyl astyqtan sharýalar mol ónim alyp jatyr eken.