Ońtústik Qazaqstan oblysynda jerdiń qunarlyǵy jyldan-jylǵa joǵalyp barady.
Topyraqtyń quramyndaǵy bonıtet baly sýarmaly jerde 45-ke jetýi qajet bolsa, búginde ol 30-ǵa deıin túsken. Oǵan sharýalardyń aýyspaly egin túri men mıneraldy tyńaıtqyshtardy qoldanbaýy sebep. «Ol tıisinshe ónimdilikke de áser etedi», - deıdi mamandar. Bul týraly oblystyq qoǵamdyq keńestiń kezekti otyrysynda aıtyldy. Oblystyq jer qatynastary basqarmasy jerge túgendeý júrgizgen. Belgili bolǵany, óńirde 414 myń gektar jaıylymdyq jer jalǵa berilip ketken. «Ony qaıtaryp alý úshin qazynadan 2 mlrd 300 mln-dan astam qarjy kerek», - deıdi mamandar. Odan bólek respýblıkalyq komısıaǵa topyraq quramyn qadaǵalap otyratyn zerthanalardy qaıta qalpyna keltirý jóninde usynys jasalǵan.
Sozaqbaı Ábdiqulov, oblystyq jer qatynastary basqarmasynyń basshysy:
- Tek qana jerdiń paıdalanylyp jatqany emes, onyń topyraǵyn, sýarmaly jerge arnalardyń qajettiligin. Jaıylymdaǵy qudyqtar, barlyǵyn anyqtap, jer kadastry kartasyna engizedi. Sol kartada ol kórinip turady. Qaı jer qandaı jaǵdaıda. Topyraq qunarlyǵy qandaı. Osy jumysty respýblıkalyq dárejede uıymdastyrýdy usynyp otyrmyz.
Saın Baqtybaev, Jer reformasy jónindegi komısıanyń múshesi:
- Biz jer reformasy týraly zańǵa qatysty naqty usynystarymyzdy berýimiz qajet. Soǵan qarap qujatqa ózgertýler men tolyqtyrýlar engizilýi múmkin. Kúni búginge deıin jerge qatysty kópshilik kóptegen usynystaryn aıtyp jatyr. Sonyń barlyǵy eskeriledi degen oıdamyn. Óıtkeni jer máselesi árbir qazaqstandyqqa qatysty.
