Almaty oblysy Eńbekshiqazaq aýdandyq soty Esik qalasynda áıel zorlady degen kúdikpen ustalǵan úsh azamatty qamaýǵa alý týraly sheshim shyǵardy, - dep habarlaıdy Qamshy.kz oblystyq sottyń baspasóz qyzmetine silteme jasap.

«Eńbekshiqazaq aýdandyq sotynda Almaty oblysy İİD tergeý basqarmasy tergeýshisiniń QR QK 125-baby 2-bólimi 1-tarmaǵy boıynsha (Toptalyp adam urlaý) kórsetilgen qylmysqa qatysy bar delingen úsh azamatty qamaýda ustaý týraly ótinish haty qaraldy. Sot qaýlysymen atalǵan azamattarǵa eki aı merzimde qamaýda ustaý túrindegi bultartpaý sharasy belgilendi», - delingen baspasóz habarlamasynda.

Buǵan deıin Esik qalasynda turatyn 30 jastaǵy kelinshekti 22-29 jastaǵy tórt azamattyń zorlap ketkeni týraly habar taraǵan bolatyn. Olarǵa qylmystyq kodekstiń tórt baby boıynsha aıyp taǵyldy. Kúdiktilerdiń úsheýi qolǵa túsip, bireýine izdeý jarıalandy.