Kezdesý barysynda Serbıa Patrıarhy Irıneı Qazaqstan Prezıdentine Serbıa Pravoslav shirkeýiniń joǵary nagradasy – İ dárejeli Qasıetti Savva Ordenin tapsyrdy ,- dep habarlaıdy Qamshy.kz Aqorda saıtyna silteme jasap.

Memleket basshysy konfesıaaralyq kelisimdi nyǵaıtýǵa baǵyttalǵan elimizdiń saıasatyna berilgen joǵary baǵa úshin alǵys aıtty.

– Qazaqstanda ıslam men pravoslavıe – dinniń eń basty eki dińgegi. Biz elimizde turatyn barsha konfesıa ókil deriniń dinı merekelerin atap ótemiz. Eger de barlyq memleketterdiń kóshbasshylary osyndaı qatynasty ustansa, jer betinde beıbitshilik ornaǵan bolar edi, – dedi Nursultan Nazarbaev.

Qazaqstan Prezıdenti Patrıarhty Astanada ótetin Álemdik jáne dástúrli dinder lıderleriniń kelesi seziniń jumysyna qatysýǵa shaqyrdy.

Serbıa Patrıarhy elimizdiń biregeı tájirıbesi ózge elder úshin, ásirese álemde bolyp jatqan qazirgi jaǵdaılar aıasynda úlgi bolyp otyrǵanyn aıtty.

– Sizdi Serbıaǵa, sondaı-aq barsha konfesıa ókilderiniń teń quqyly ómir súrýine sińirgen barlyq eńbegińiz úshin halqymyz ben elimizdiń úlken dosy retinde osy ordenmen marapattaımyz. Biz de elimizde osyndaı jaǵdaı jasalǵanyn qalaımyz, sol úshin qoldan kelgenniń bárin isteımiz, – dedi Patrıarh.