«Qazkommersbank» AQ-ǵa qaryzdanǵan tanymal qazaqstandyq dızaıner Quralaı Nurqadilovanyń múlki satylymǵa shyǵaryldy, - dep habarlaıdy Qamshy.kz.

Biryńǵaı elektrondy saýda alańy saıtynda Almatydaǵy «Dýbok» shaǵynaýdanynda ornalasqan 0,1366 ga jer telimi bar jalpy kólemi 283,8 sharshy metr úıdiń satýǵa shyǵarylǵany habarlandy. Jyljymaıtyn múlik shamamen 109 mıllıon teńgege baǵalanǵan.

Esterińizge sala keteıik, Quralaı Zamanbekqyzynyń sózinshe, bank 2006 jyly alǵan nesıesiniń ústine qosymsha 44 myń dollar qosyp qoıǵan. Bul is jaqynda Joǵarǵy sotqa da jetti. Nurqadilova men bank arasyndaǵy aqsha daýy birneshe jyldan beri jalǵasyp keledi. Osy ýaqyt boıy bank Nurqadilova kelisimdi saqtamady dep 2006 jyly 20 jylǵa berilgen 641 900 AQSH dollarynyń nesıe shartyn merziminen buryn sot arqyly buzýǵa tyrysyp baqqan edi. 

Aıta keteıik, Nurqadilovanyń jyljymaıtyn múlki boıynsha saýdalasý 2016 jyldyń 7 qyrkúıeginde bastaladyú