Biz balalarǵa smartfondardy qoldanýyna tyıym salamyz dep aıta almaımyz dedi QR Bilim jáne ǵylym vıse-mınıstri Elmıra Sýhanberdıeva, - dep habarlaıdy Qamshy.kz.
Ortalyq komýnıkasıalar qyzmetindegi baspasóz qyzmetinde Bilim jáne ǵylym vıse-mınıstri Elmıra Sýhanberdıeva mektepte smartfonǵa tyıym salý máselesin ata-analarmen birge talqylaý kerektigin aıtty.
"Ár mektep smartfondardy qoldanýǵa tyıym sala ma, joq pa ózderi sheshedi. Naqty sheshimge kelý úshin ata-analarmen sóılesý kerek. Shynynda da kóp ata-ana balalarynyń mektepte smartfon qoldanýyna qarsy emes, sebebi olar telefon arqyly balalarynyń qaı ýaqytta mektepke jetkenin jáne úıge qaıtatyn ýaqytyn baqylap otyra alady. Qazirgi ýaqytta kóp mektepter sandyq tehnologıamen qamtamasyz etilmegen. Sondyqtan biz balalarǵa smartfondardy qoldanýyna tyıym salamyz dep aıta almaımyz", - dedi vıse-mınıstr.
Esterińizge sala keteıik, mektepterde smartfondarǵa tyıym salý máselesin óńirlerdegi birneshe prokýrorlar, sondaı-aq Shymkent qalasynyń ákimi kótergen bolatyn.
