Túrkıa ulttyq májilisiniń Respýblıkalyq Halyq partıasynan (RHP) saılanǵan depýtaty Eren Erdem baspasóz máslıhatynda ISHIM múshelerine oryndary belgili bola tura operasıa jasalmaǵanyn, Túrkıaǵa úreı salǵan ISHIM músheleriniń Túrkıada 18 myń dollarǵa emdetilgeni týraly qujattardy kórsetti.
RHP Stambýl depýtaty Eren Erdem ótkizgen baspasóz máslıhatynda ISHIM terror uıymy áskerıleriniń Túrkıanyń qurylymy týraly 422 betten turatyn tyńdalǵan jazbalaryn áshkereledi.
Eren Erdem bólisken qupıa qujattarmen qatar oblys Qaýipsizdik komıtetiniń Ankara ákimshiligine bildirilgen qujattardy da ashyqtap túsindirdi.
Eren Erdem júrgizgen baspasóz máslıhatynda Kılıs pen Gazıantepte ISHIM áskerıleriniń erkin uıym qurǵanyn, myńdaǵan terrorıstiń Túrkıadan ótip bara jatqanda barlyq jol júrý kesteleriniń anyqtalǵanyn, alaıda birde-bir operasıa jasalmaǵanyn kórsetetin qujattardy áshkerelep kórsetti. Eren Erdem aıshyqtaǵan qujattarǵa qatysty Kılıste, Antepte, Túrkıanyń kóptegen qalasynda úkimet kóz juma qarap otyrǵan jaıttar baryn, depýtat retinde mindetin oryndaý úshin osy qujattardy ashyna tilge tıek etti.
«AKP (ÁDİLET JÁNE DAMÝ PARTIASY) ÚKİMETİNİŃ QOLY QANSHALYQTY LAS EKENİN KÓRSETETİN QUJATTAR»
Eren Erdem «Sizge kórsetetin bul qujattarym Túrkıa Respýblıkasynyń qalaı nasharlap bara jatqanyn ári AKP úkimetiniń qoly qanshalyqty las ekenin kórsetetin qujattar…»– dedi. Aıshyqtalǵan qujattarda Erdem «Ábý Bákir» degen kodpen Qaýipsizdik komıtetiizdeý salǵan Ilhamı Baly atty áldekimniń Túrkıa ISHIM terror uıymy shabýyldaryn josparlaǵanyn aıtty ári sol kisige qatysty telefondaǵy áńgimelerdi bólisti.
«Telefondaǵy bul áńgimelerinde terrorısterdiń qaı qonaqúıge túskeni, qaı jerde kólik kútkeni, kólikterine qaı jerden benzın quıǵany, qaıda toqtap, Kılıste qaı meshitte jınalatyny, qansha kisiniń qaı jerge baryp-keletinine deıin barlyǵy jazylǵan. Osylardyń barlyǵyn bile tura qarsy eshqandaı operasıa jasalmaǵan. Qarapaıym jaı ǵana bir suraq suraıyn: «Bul terrorısterdi nege tutqyndamadyńdar?» dep ISHIM terrorısterin erkinsitip qoıýǵa óziniń qarsylyǵyn bildirdi.
Telefondaǵy áńgimelerdi bólisken E.Erdem: «Mine, olardyń telefondaǵy áńgimeleri sumdyq. Quqyq qorǵaý organdary bulardy tyńdap, jazyp alǵan. Qarańdar, Ilhamı Baly degen terror bylaı dep surapty: «..., senen qansha kisi shyqty?» Shekaradan qansha kisiniń ótkenin surap tur. Oǵan «175 adam shyqty» dep jaýap bergen. Ol qaıtadan «Joq, men kirgen adamdardy surap jatyrmyn» degende, «1128 adam» dep jaýap bergen. Sandardy kórip tursyzdar ma? Týra 1128 kisini bir partıada orny belgili bir mekenjaıdan baryp alyp ketken. Biraq eshkim qarsy operasıa uıymdastyrmaǵan. Budan da sumdyǵy, áńgime kezinde ol telefonnan stroboskopqa tapsyrys bergen. Týra bir sýpermarkette saýda jasap turǵandaı, tek polısıa men joǵarǵy deńgeıdegi qyzmetkerler qoldana alatyn stroboskopqa tapsyrys berýde. Baqylaý jaǵy nól. Óte bir tragıkomedıa áńgimeler júrgen. Terrorıstiń biri qalaı shyǵatynyn suraǵanda, oǵan da egjeı-tegjeıli málimet berilgen, al quqyq qorǵaý organdary bolsa, bárine kóz juma qaraǵan. Aıtqan jerińe keldim, munaıdyń aldynda turmyn. Sırıaǵa ketkender shekaradan op-ońaı ótýde. Olar Rakkada qarý men áskerı jattyǵýdan ótedi, sodan keıin kelip Túrkıada qyrǵyn jasaıdy», – dedi.
«QUJATTARDA ANKARA MEN SÝRÝJDAǴY QYRǴYNDY ILHAMI BALYNYŃ JOSPARLAǴANY JAZYLǴAN»
ISHIM áskerlerine qatysty ondaǵan eskertýler men kiná taǵatyn akt daıyndalǵanyn aıtqan Erdem quqyq qorǵaý organdarynyń bul kisilerge baǵyttalǵan birde bir operasıa jasamaǵanyn ári bul kisilerdiń emin-erkin júrgenin aıtty. Ankara ákimshiliginiń oblystyq qaýipsizdik basqarmasyna habar berilgen qujattardy kórsetken Erdem «Ilhamı Balynyń Ankara men Sýrýj qyrǵynyn josparlaǵany jáne qarý-jaraq jınaǵany qujattarda jazylǵan. Qaýipsizdik komıteti olardy Tákpirshi Samanpazary toby retinde júıelegen. Bul qujattarda Kılısten top-top adamdardyń qalaı shekaradan ótkeni jazylǵan. Kılıste meshitterdiń aldy İETT avtobýs (Stambýl elektrıkti tramvaı men týnel avtobýstary) aıaldamalary sekildi jumys isteýde. Bulardyń barlyǵyn da Úkimet bilip otyr. Álgi áńgimede «Túrik munaılary men ekinshi poshtany ótkizdik» degen sóz ótedi. Iaǵnı barlyq oryndary men koordınattardy bilip alǵan. GSM telefondary tirkelgen. Osynshalyqty selt etpeýshilikke aıtar sózim joq. Telefonda ótkizý jumystary degen atpen memlekettik qyzmetker sekildi jumys istep jatqan uıym bary baıqalady. Bir kisi terrorısterdiń birine «Anteptiń ortalyǵyndamyn. Belkıs qonaqúıindemin» deýde. Áı, qaýipsizdik komıteti, sen qaıda qarap otyrsyń?! Áı, Ádilet mınıstri, sen qaıda qarap otyrsyń?! Áı, AKP úkimeti, sen qaıda qarap otyrsyń?! Bular dál qazir Rakkada qarýmen jattyǵý ótkizýde. Bul qujattarda júzdegen adres, telefon jazbalary jáne málimetter bar», – dedi.
ISHIM TERRORISTERİ VIDEO TÚSİRİP TÚRKIAǴA SES KÓRSETKENNEN KEIİN TÚRKIAǴA KELİP EMDELGEN
Ábý Hanzalanyń bostandyqqa shyqqanyn eske salǵan Erdem: «Telefon arqyly bir terrorıst «Takvahaber» týraly sóz etýde. Ol óziniń saıt redaktory ekenin aıtýda. Bul aqparattyq saıt Ábý Hanzalaniki, álgi ótkende bostandyqqa shyqqan sóz júzinde ISHIM-niń basshysy. «Takvahaber»-de Shanlyýrfadan Sırıaǵa terrorıst jibergenine qatysty telefonnan tyńdalǵan ondaǵan áńgime bar. Endi Ádilet mınıstrinen suraımyn, Ábý Hanzalany bostandyqqa shyǵarǵan sotqa tergeý amaly júrgizile me? Bul qujattarda ISHIM terrorısteriniń barlyǵy da Túrkıada emdelgeni jaıly aıtylady. Emdeý shyǵyndary qalaı ótelgeni sóz bolýda. 10 myń dollar, 20 myń dollar, osyndaı kólemdegi qarajatpen terrorısterdiń qaı emhanada, qandaı dárigerlerden em qabyldaǵany kórsetilýde. Muhammed Ábý Túrkı vıdeolary arqyly Túrkıany qorqytý áreketin jasaǵan terrorıstiń keıin shekaradan ótip, em qabyldaǵanyn, 18 myń dollar jumsalǵanyn jazǵan. Sol emhanalar men dárigerlerge qatysty birde-bir tergeý júrgizilgen emes. Taksım alańynda málimet taratqan adamdardy tutqyndaýǵa sanasy jetkender mynalardy nelikten tutqyndamaýda. Bul baıqamaı qalýshylyq emes, qasaqana jasalǵan is. Barlyq málimet qoldaryńda, biraq shara qoldanbaısyńdar. Demek, sender terrorlyq uıymdardyń arasyn bólip- jaryp otyrsyńdar» dedi.
«BARLYǴY DA TYŃDALDY, BİRAQ BİRDE-BİR OPERASIA JASALMADY»
Erdem qujattardy kórsetip: «Bul 422 bettik qupıa qujattarda kórip otyrǵandaryńyzdaı, sumdyq áńgimeler bar. Telefonda ISHIM-dikter arasynda mynadaı «Aǵa, munda 10 kisi kútip tur, olardy aldyrtaıyq, pálen emhanada jaraly bolyp jatyrmyz, taýyq bazarynda túgenshe degen top kútip tur, otshashqysh qarýlar men avtomattardy aldym, shekaradan ótemiz» degendeı áńgimeler bar. Barlyǵy da tyńdalǵan, biraq eshqandaı áreket jasalmaǵan. Bul sumdyq nárse, ashyqtan-ashyq ISHIM-ge kóz juma qaraý degen sóz. Mundaı qujattar ádette úlken daý týǵyzady» dedi.
EREN ERDEM ÁDİLET MINISTRİ BEKIR BOZDAǴQA: «MURT QOIÝ SAIASATKER BOLÝǴA JETKİLİKTİ EMES» DEDİ
Bekır Bozdaǵtyń terrorlyq áreketke bile tura kóz juma qaraǵanyn aıtqan Erdem «Murt qoıýmen saıasatker bolmaısyń, ádilettilikti saqtaıtyn bolsań ǵana sol orynda otyr-ǵyn. Mundaı zańsyzdyqtardy kórmegenińe qaraǵanda óz isińe olaqsyń. Ornyńdy bosat. Terrorıster ot qarýmen, avtomatpen Kılıs jaqtan shekara kesip ótýde. Úkimettegiler olardyń telefondaǵy sózderin tyńdap otyr, biraq eshqandaı shara qoldanar emes. Elimizdegi balalardy óltirip jatqandarǵa kóz juma qaraýǵa uıalmaısyńdar ma?» – dedi.
EREN ERDEM ÓMİRİNE QAÝİP TÓNDİRİP OTYRǴANDAR BARYN AITTY
Bir suraq arqyly ylǵı óltiremiz degen qaýip tóndirip otyrǵandar baryn aıtqan Erdem depýtat retinde óziniń mindetine adal ekenin ári shyndyqty aıtýdan qoryqpaıtynyn bildirdi.
Depýtat buǵan deıin de parlament tórinde el bıligin Sırıadaǵy sodyrlarǵa nemquraıly qarady dep aıyptaǵan bolatyn.
http://www.sosyalmanset.com/eren-erdemden-belgeli-kayitli-isid-bombasi-1502h.htm
