Feısbýk jelisinde BankSentrkredıt qarjy uıymynyń qatege toly túbirtegi qyzý talqylanýda, - dep habarlaıdy Qamshy.kz.

Jeli qoldanýshylarynyń ashýyn týǵyzǵan túbirtektegi jazýlardan shynymen de eshteńe túsine almaısyz. Ondaǵy «ýıqyty», «somı», «ılýgı sholıtysh kıshıjıt» degen sózdermen banktiń óz klıentterine ne aıtpaq bolǵany belgisiz.

Bir belgilisi, qarapaıym «Raqmet» degendi qatesiz jaza almaǵan bank termınaly sózdiń sońyn qazaq tilindegi bylapyt uǵymǵa jaqyn «sıktıńyz» dep aıaqtapty.

Marǵulan Aqan esimdi jeli qoldanýshysy banktiń bul qylyǵyn alda kele jatqan «Tilder kúni» qarsańyndaǵy qyńyr-qısyq áreketi bolar dep jorypty.  

«Túbirtekti osydan keıin saqtaýǵa bola ma bolmaı ma oılanyp kórý kerek! Bir qatelik kórip jabysa qalatyn ádetimiz de shyǵar, biraq bul uıat emes pe?! Sońǵy aptada tildiń máselesi ýshyǵyp ketti-aý... Báse nege desem, 22-qyrkúıek jaqyndap keledi eken ǵoı. Sol úshin jasap jatqan qyńyr-qısyq áreketteri bolar. Eń jaqsysy bul qatelikti kórgenimiz, eń jamany táýelsiz, derbes eldiń tiline degen qurmettiń joqtyǵy. Qurmet pen syılastyq kórsete almaǵan mekemeni ne adamdy «joq qylyp jiberý» kerek! 
«Fb – búgingi gazet»,-dep júrmiz ǵoı, onda gazetke jazyp bir jaǵyna shyǵaraıyq!», - dep jazady ol.