23 maýsymda Ózbekstan Respýblıkasy Zangıota baǵytyndaǵy shekaralyq ókildiginen  QR Ulttyq qaýipsizdik komıteti Shekara qyzmetiniń 2020 áskerı bóliminiń azamattardy ótkizýge ýaqytsha shekteý engiziletini jóninde hat kelip tústi, - dep habarlaıdy Qamshy.kz.

«Taraptardyń Memlekettik shekaradaǵy ótkizý beketterinen  azamattardy ótkizý máseleleri boıynsha ózara árekettestik aıasynda, 2016 jyldyń 22 tamyzynan 2016 jyldyń 4 qyrkúıegine deıingi aralyqta ózbek-qazaq shekarasynyń avtojolyndaǵy ótkizý beketinen tulǵalardy ótkizýge ýaqytsha shekteý engiziletinin habarlaımyz», - delingen qujatta.

Dıplomatıalyq ókildikter men halyqaralyq uıymdar qyzmetkerlerine; resmı delegasıa quramynda júrgen tarap azamattaryna; otanyna qaıtyp kele jatqan tarap azamattaryna; jedelhattar men shaqyrtýlary (týystarynyń aýyrýyna baılanysty, ólim-jitim sharalaryna qatysýǵa) jáne ekinshi taraptyń áýejaıynan ushý úshin avıabıletteri bar azamattarǵa; bir memlekettiń aýmaǵynda ornalasqan ekinshi memlekettiń obektilerinde qyzmet isteıtin azamattarǵa; halyqaralyq avtokóliktik júk tasymalyn júzege asyratyn tarap azamattarynyń júrgizýshilerine shekteý bolmaıtynyn habarlady QR UQK Shekara qyzmetiniń baspasóz qyzmeti.