Jańa oqý jylynyń bastalýyna az ǵana ýaqyt qaldy. Tamyz aıynyń jıyrmasynna keıin Almatydaı úlken qalaǵa aýyl-aımaqtan stýdentter aǵyla bastaıdy. Kýrstan kýrsqa ótken bilim alýshylardan bólek, mekteppen jańa qoshtasqan túlekter de keledi. Iaǵnı jyl saıyn qansha stýdent oqýmen qoshtassa, sonsha taǵy túsip otyrady. Osylaısha Almaty stýdentterden bosaǵan emes.
Syrttan keletin barlyq stýdenttiń ortaq bir máselesi – jataqhana.
Jataqhana alý úshin aýyl-aımaqtan kelgen stýdentter biraz qujat jınap áýre bolatyny taǵy bar. Turǵylyqty jerinen meken-jaı anyqtamasy, psıhıkalyq aýrýy joq, sottalmaǵan, densaýlyǵy kináratasyz (medıýınaly anyqtama forma №86 nemese №63) degen anyqtama degen sıaqty qujattardy júgirip, áróaısyn ár jerden jınaǵanymen qoımaı, rektordyń, dekannyń, jataqhana meńgerýshisiniń atyna ótinish degen sıaqtylary taǵy bar. Oǵan respýblıkanyń burysh-buryshynan kelgen stýdentterdiń uzyn-sonar kezegin qosyńyz.
Bul qujattardy jınaýyn jınaıdy-aý, alaıda bólme jataqhananyń bir bólmesiniń bir buryshyna ornalasqan bir jatyn oryndy ala almaı qalýy da bek múmkin eken.
Jıyrmasynshy tamyzdan bastap Almatyǵa aǵylǵan stýdentter jataqhana kezegine turyp, bir bólmeniń bir tósegine qol jetkizý úshin joǵaryda atalǵan qujattarmen áýre-sarsańǵa túsip júr.
-Jyndy emes degen qaǵazdy alý úshin jyndanyp kete jazdaısyń. Al sottalmaǵan degen qaǵazdy alý úshin sol mekemedegilerdi atyp-uryp, sottalyp ketkiń keledi. Álem qıyndyqpen alǵanda, jataqhana ala almaı eki jyl sandalǵanmyn. Bıyl taǵy toǵyz aı páterden páterge kóship, kınalǵym kelmeıdi. Jataqhanada oryn jetpeıdi dep aıta beredi, tolyp tur, - deıdi Aınur esimdi stýdent.
Aınur bıyl úshinshi kýrsqa kóshken. Bıyl da jataqnaǵa ala almaı qalý úshin erterek kelip qamdanyp jatyr eken. Onyń aıtýynsha, jataqhana alý da bir bızneske aınalýy múmkin.
Aınurdyń sózin memlekettik ýnıversıtetterdiń birinde oqıtyn Qaırat esimdi stýdent te rastady. Qaırattyń aıtýynsha jataqhana meńgerýshileri stýdentterge oryn joq degenimen, belgili bir adamdardyń aralasýymen, ol oryndarda otbasyly adamdar aqsha tólep turatyn jaǵdaılar da kezdesedi eken.
-Biz jylda jataqhana alý úshin sandalamyz. Onymen qoımaı, biraz stýdent ala da almaı qalady. Ózim jataqhanada turyp jatqandyqtan bilemin, otbasyly adamdar bir bólmeni jalǵa alyp alady. Kórip júrmiz. Al oryn jetpeı, páter jaldap júrgen stýdentter qanshama, - deıdi Qaırat.
Bir aıta keterligi, joǵaryda atalǵan qujattardy oqýǵa jańa túsip, jataqhanany jańa alǵanda ǵana jınaıdy.
«Sosyn meńgerýshimen, jataqhana ujymymen jaqsy bolsań, jylda jataqhana alý quqyǵyna ıe bolasyń» degen stýdentter tamyz aıynyń sońy men qyrkúıekte birinshi kýrstardy qabyldaýda úlken kezekter men aıqaı-shýlar bolyp jatatyn jasyrmaıdy. «Tanysyń bolsa, problemasyz-aq alýǵa bolady» deıdi stýdentter.
Al altyn belgisin aqtap, Almatyǵa oqýǵa túsken Qarqara jataqhana jaǵyn jaıǵap qoıypty. Alaıda, keı stýdentter aıtqan problemalar bola qomaıdy deıdi.
-Aýyldan kelgen soń, kerekti qujattardy jınadyq jataqhanaǵa. Turatyn jerimizdiń joqtyǵy anyq. Anaý aıtqandaı problema týyndamady. Jataqhana aldym. Tek qyrkúıek aıynda kóship barsam boldy, - deıdi ol.
Qarqaranyń aıtýynsha, qujat jınaý úshin uzyn-sonar kezek pen júıkesi sharshaǵan adamdardyń sergeldeńge túsetini ras.
Sondaı-aq, memlekettik oqý oryndarynyń biriniń jastaqhana meńgerýshisi oryn alý úshin birinshi jyly qujat jınaý zańdy ekenin, alaıda jylda stýdentterdiń jataqhana ala almaı sandalýyn aqylǵa qonymsyz ekenin aıtady. Onyń aıtýynsha, jataqhana turǵyny elesi jyly da bólme alýǵa, tipti jazǵy demalysqa ketip bara jatyp, óz ornyn saqtap ketýge quqyly eken.
Osylaısha Almatyǵa stýdentterdiń aldyńǵy legi kelip jatyr. Endi qalanyń halqy taǵy birazǵa artyp, qoǵamdyq kólikterdiń lyq tolyp júretin maýsymy bastalmaq. Degenmen úlken qalaǵa arman arqalap kelgen jastardy baspana jaǵymen qınap qoımasa eken deımiz.
Indıra Qýat
