Ońtústik Qazaqstan oblysynan 300 tonnadan astam baý-baqsha ónimderin tıegen 24 avtokólik jolǵa shyqty.

Olar elimizdiń Batys jáne Soltústik óńirlerine dámi til úıiretin qaýyn-qarbyz ben kókónis jetkizedi. «Jasyl ónimge-Jasyl jol» aksıasynyń aıasynda kólikterdi dittegen jerine deıin jol saqshylary shyǵaryp salady. Iaǵnı jolaı kedergi bolmaıdy. Bul joly Shardara, Maqtaral, Saryaǵash jáne Qazyǵurt aýdany dıqandarynyń ónimderi jóneltildi. Kúni búginge deıin dıqandar bir jarym mıllıon tonnadan astam baý-baqsha men kókónis jınap úlgergen. Tamyzda bastalǵan dástúrli jasyl kerýen aksıasy qazan aıyna deıin jalǵasady.

Turǵanbek Ospanov, oblystyq aýyl sharýashylyǵy basqarmasy basshysynyń orynbasary:

- Barlyq teńgerim boıynsha 2 mıllıon 900 myń halyqqa ózimizge jergilikti qajettilikke qaraǵanda mysaly baqshadan 19 ese, pıaz ben pomıdordan 8 ese, qıar 5 ese artyq óndiremiz. Osy óndirilgen ónimder Soltústik óńirlerge jiberilip otyr.

Ámiráli Raev, dıqan:

- Bizge óte tıimdi. Osy aksıaǵa bola keldik. Bizge barlyq jol ashylǵan eshqandaı kedergi joq. Ónimimizdi qalaǵan baǵamen bazarǵa satamyz. Bárinen buryn halyqqa sapaly ónim usynýymyzdy maqsat sanaımyz