Byltyr elimizde aýyl sharýashylyǵy kooperasıasy týraly zań qabyldanyp, jyl basynda kúshine engen edi.

Osyǵan sáıkes, Shyǵys Qazaqstan oblysynyń Jarma aýdanynda 18 sharýa qojalyǵy bir uıymǵa birikti. Qazir kooperatıvtiń 22 myń gektar jeri mal soıý sehtary, tehnıkalary tipti ónimderin ótkizýge arnalǵan saýda núktelerine deıin bar. Óndiristik qurylym etti, sútti baǵytta asyl tuqymdy mal ósirýmen shuǵyldanbaq. Qazir 100 basqa arnalǵan sút-taýarly fermasy salynýda. İrilengen sharýashylyqqa memleket te jan-jaqty qoldaý kórsetedi.

Baýyrjan Qurmanov, QR «Atameken» UKP agrokompetensıa ortalyǵynyń sarapshysy:

- Jańa bastap jatqandarǵa árıne qıyndaý. Kóp shyǵyn kerek. Jumysshylar jetispeıdi. Ózderi baǵady, ózderi jermen aınalysady, shóp jınaıdy. Birneshe jumysty birden jasaýǵa úlgere almaımyz deıdi. Onyń ústine aýaraıy erekshelikteri bar, jaýyn bolyp turady. Osyndaı jaǵdaılardy eskere otyryp, árıne birigip, irilengende óz jumystaryn jeńildetip, árqaısysy óziniń paıdasyn, sapasyn kótere alady dep oılaımyz.