Bul týraly oblystyq qan ortalyǵyna jasaǵan reıd barysynda qoǵamdyq keńes músheleri málimdedi.

Osyǵan deıin birneshe densaýlyq saqtaý mekemesiniń jaǵdaıymen tanysqan qoǵam belsendileri endi qan ortalyǵynda bolyp, donorlarǵa jasalǵan múmkindikterdi óz kózderimen kórip qaıtty. Atalǵan medısınalyq mekeme óńirdegi 26 iri aýrýhanany qanmen qamtamasyz etip otyr. Jylyna 24 myń lıtr qan jınaýǵa qaýqarly ortalyq donorlarǵa zárý. Mamandardyń aıtýynsha, kúnine bar bolǵany 70-ten astam adam óz erkimen kelip qan tapsyrady. Al negizgi kerekti kórsetkish – 200 adam. Endi bul máselege qoǵamdyq keńes músheleri kirisip, iri kásiporyndarda úgit-nasıhat jumystaryn júrgizedi.

Tatána Chernysheva, qoǵamdyq keńes múshesi:

- Meniń oıymsha, mekemeler men kásiporyn ujymdary bul bastamamyzdy qoldaýǵa tıis. Óıtkeni kez-kelgen ýaqytta bizdiń árqaısymyzǵa nemese týystarymyzǵa kez-kelgen qan toby kerek bolýy múmkin.

Haırýlla Jigitaev, oblystyq qan ortalyǵynyń dırektory:

- Kelgen donorlardyń 90%-y ózderi kelip, óz kóńilimen kelgen qan berýshiler. Endi qalǵan 10%-y oǵan jetpeıdi. Keı kezde kerekti qan toby, rezýs faktor qajet bolǵan jaǵdaıda olardy ózimiz shaqyryp alamyz.