Ózbekstan Prezıdenti Islam Kárimovtiń qyzy Lola Kárimova-Tılláeva ákesiniń densaýlyq jaǵdaıyna qatysty málimdeme jasady, - dep habarlaıdy Qamshy.kz.
«Qısynsyz áńgimelerdiń aldyn alý maqsatynda, osynda, óz paraǵymda ótken demalysta bizdiń otbasymyzdaǵy ákeme qatysty qaıǵyly oqıǵa týraly aıtqym keledi. Senbi kúni mıyna qan ketýine baılanysty ol aýrýhanaǵa jetkizilip, reanımasıa bólimine jatqyzyldy. Onyń jaǵdaıyn dárigerler turaqty dep otyr. Qazirgi ýaqytta onyń bolashaqtaǵy densaýlyǵyna qatysty qandaı da bir boljam jasaýǵa erte. Adamdardan alyp-qashpa sózge boı aldyrmaýdy, otbasymyzdyń jeke keńistigine qatysty quqyqtaryn qurmetteýdi suraımyn. Ákemniń amandyǵy úshin duǵa jasaǵan barlyq janǵa alǵys aıtamyn», - dep jazady ol.
