Astana qalasynda ótken «Bolashak Hockey Cup» atty áýesqoılar men ardagerler arasyndaǵy hokeıden respýblıkalyq týrnır óz sońyna jetti. 8 komanda qatysqan saıysta Óskemen qalasynyń quramasy birinshi oryn ıelendi, - dep habarlaıdy Qamshy.kz.

Aıta ketsek, Óskemen qalasynyń quramasy atalǵan saıysqa birinshi ret qatysyp otyr. Komanda oıynshylarynyń aıtýynsha, kórsetkishterine tánti bolǵan uıymdastyrýshylar týrnırdy ár jyl saıyn dástúrli túrde ótkizýdi usynǵan.

– Óskemen qalasy qazaqstandyq hokeıdiń otany bolǵandyqtan, jeńilis tabýdyń ózi namys kórindi. Komanda múshelerine alǵysym sheksiz, eresek bolsa da, eski hokeı mektebiniń ádisterin umytpapty. Oıyn barysynda aqmolalyq komandamen oıyn qyzyqty da tartysty ótti. Endi ár jyl saıyn qatysyp, jetistikke jetýge bel býyp otyrmyz, – dedi qurama múshesi Erlan Turarov.

Týrnır kórsetkishteri boıynsha, ekinshi oryndy almatylyqtar ıelense, úshinshi orynǵa Aqmola komandasy aıaq tiregen.