SHQO ákimi Danıal Ahmetov jerlesteri atynan Olga Rypakovaǵa Toyota Land Cruiser Prado avtokóligi men 50 myń AQSH dollaryn syıǵa tartty. Aýyr atletshi Denıs Ýlanovqa eki bólmeli páter kiltin tabys etti, - dep habarlaıdy Qamshy.kz.
Búgin Óskemen qalasynda Qazaqstan Respýblıkasy Konstıtýsıasy Kúni aıasynda Rıo qalasynda ótken Olımpıada oıyndarynyń qatysýshylary marapattaldy.
Aımaq basshysy Danıal Ahmetov sportshylardy quttyqtap, shyǵysqazaqstandyqtardyń atynan syılyqtar berdi. Olımpıadada úsh qarǵyp sekirýde qola júldeger atanǵan Olga Rypakovaǵa avtokólik kilti men 50 myń AQSH dollaryn tabys etti.
Olımpıadada aýyr atletıkadan tórtinshi oryn ıelengen Denıs Ýlanovqa Óskemen qalasynan eki bólmeli páter kiltin berdi.
Shyǵysqazaqstandyq ózge sportshylarǵa – dısk laqtyrýshy Evgenıı Labýtovqa, marafondyq qashyqtyqqa júgiretin jeńil atletshi Irına Smolnıkovaǵa, 400 m júgirýden jeńil atletshi Elına Mıhınaǵa jáne eskek esýden Ekaterına Smırnovaǵa oblys ákiminiń jyldyq shákirtaqysy tabys etildi.
