Insýlt alyp, aýrýhanada jatyr delingen Ózbekstan prezıdenti Islam Kárimovtiń Táýelsizdik kúnimen quttyqtaýy ózbek telearnalarynda oqyldy, - dep habarlaıdy Qamshy.kz.

Ózbek jáne orys tilinde oqylǵan quttyqtaý sondaı-aq, prezıdent baspasóz qyzmetiniń saıtyna da ornalastyrylǵan.

Quttyqtaýda Ózbekstannyń táýelsizdik jyldary jetken jetistikteri, ekonomıkalyq-áleýmettik damý jaıy aıtylǵan.

I. Kárimov quttyqtaýynda  eldiń tańdaǵan jolynyń durystyǵyn ýaqyttyń ózi dáleldegenin aıtady.

«Shynymen de, táýelsizdiktiń alǵashqy kúninen bastap bizdiń tilegimizdiń qansha qıyn, qansha qaýipti bolǵanyna, ár qadamymyz kedergiler men tosqaýyldarǵa toly bolǵanyna, ótkir máselelerge qaramastan, biz elimizdiń búgini men erteńgi mindetterine jaýap beretin tereń oılastyrylǵan strategıany satylap ázirleýdi jalǵastyra berdik», - delingen quttyqtaýda.

Sondaı-aq, respýblıka halqy men onyń prezıdenti birqatar elderdiń basshylary da quttyqtaǵan.

1991 jyldyń 31 tamyzynda KSRO quramynan táýelsizdigin alǵan Ózbekstan 1 qyrkúıekte Táýelsizdik kúnin atap ótedi.

Buǵan deıin I. Kárimovtiń ınsýlt alyp, aýrýhanaǵa túskeni habarlanǵan bolatyn.