Brazılıa senaty tamyzdyń 31-i kúni el prezıdenti Dılma Rýsseftiń sońǵy ımpıchmentine daýys berdi. Bul jaıly  BBC News habarlaıdy.

Daýys berý translásıasy Brazılıa telearnasynyń tikeleı efırinde ótti. Impıchment úshin 61 senator daýys berse, oǵan 20 adam qarsy shyqty. Rýsseftiń ornynan ketýi úshin ımpıchment tarabyna 54 daýys jınaý kerek bolǵan, dep jazady Vedomostı baspasy.

Senatorlar  Rýssefti aǵymdaǵy jyldyń mamyr aıynda ornynan ýaqytsha alyp tastaǵan bolatyn. Seısenbi kúni olar Rýsseffti  ornynan tolyq ketýi tıis dep sheshken, al Brazılıa prezıdentiniń ýaqytsha mindetin 2018-shi jylǵy daýys berýge deıin vıse-prezıdent Mıshel Temer atqaratyn bolady.

 Rýsseff Edýard Karozýdiń qorǵaýshysy  Rýsseftiń 2019 jyldan bastap bılikte qalý quqy  jaıly bólek daýys berý bolatynyn málimdegen. Onyń ústine Rýsseff qorǵaýshysy Brazılıa Joǵarǵy sotyna eki shaǵym túsirmekshi, -dep málimdeıdi  «RIA Jańalyqtar».

Rýsseftiń ózi Senattaǵy ımpıchment tyńdalymynda óziniń kinásiz ekenin dáleldeýmen boldy. Ol qyzmetinen shettetilýin – qastandyq nátıjesi, ımpıchment – memlekettik tóńkeris dedi.

Al Rýsseftiń qarsylastary bolsa prezıdent ımpıchmentin toılaý úshin San-Paýla kóshelerine shyǵyp,  qala ortalyǵynda otshashýlar atyp, ulttyq ánurandaryn shyrqady, - dep habarlaıdy Globo telearnasy.

Rýssef  Brazılıany   2011 jyldan bastap basqaryp keledi.  Rýssef saıasaty men Jumysker partıasyna  qarsylyqtyń basty sebebi memlekettik  Petrobras munaı kompanıasy aınalasynda aqsha jymqyrdy degen daýdan bastalǵan, onda birneshe saıasatkerlerdiń de qatysy bar, onyń ústine 2015 jyldaǵy el ekonomıkasyndaǵy ahýal HH ǵ. bergi – 3,8% eń aýyry jaǵdaı bolyp tabylǵan.