Soltústik Qazaqstan oblysynda maqsatsyz paıdalanylǵan 115 aýylsharýashylyq jer telimi memleketke qaıtaryldy. Onyń jalpy qadastrlyq quny 10 mlrd teńgege baǵalanǵan, - dep habarlaıdy Qamshy.kz 24.kz - ke silteme jasap.
Prokýrorlar keıbir fermerlerdiń jerge kútim jasamaı, qunarlyǵyn nasharlatyp jibergenin anyqtady. Egin ekpeı, salyqtan jaltaryp kelgenderi de bar. Qadaǵalaýshy organ qyzmetkerleri jaıbasarlyqqa jol bergenderdi ákimshilik jaýapqa tartyp, 135 mln teńge óndirdi. Búgingi tańda oblys boıynsha 500 myń gektar jer qaıtadan aınalymǵa shyǵaryldy. Endi olar baıqaý arqyly basqa agroqurylymdarǵa beriledi.
- Qaıtarylǵan jerler aýyl sharýashylyǵy aınalymyna shyǵaryldy. Biz olardy yntaly sharýalardyń qolyna beremiz. Talap qatań. Baıqaýǵa túsken agroqurylymdardyń materıaldyq-tehnıkalyq bazasy tolyq bolýy tıis, - deıdi oblystyq prokýratýra basqarmasynyń aǵa prokýrory Gúlmıra Bopanova.
