Shetten kelgisi keletin aǵaıynǵa bir jylda azamattyq berip, elimizdiń kez kelgen aımaǵyna kóship kelýge teń jaǵdaı jasalatyn bolypty.

Qazaq kóshi týraly tómendegi oıdy Qamshy.kz portalynda aıtqam. 

"Qazaq kóshi qańtarylyp turǵany ras. Jáne bul óte durys emes dep esepteımin. Bul jer qazaqqa tolmasa, basqaǵa tolady. Osyny qaperge myqtap túıip alyp, shettegi qazaqty atamekenge oraltpaı, isimiz ońalmaıyn dep tur. Halyqtyń kóptigi kóptegen oń ózgerister ákeler edi.

Birinshiden, aıbynymyz artady. Ekinshiden, básekelestik paıda bolyp, qoǵamnyń ár salasynda halyqtyń belsendiligi kúsheıedi. Báseke kúsheıgen jerde sapa paıda bolady, t.t. Men jaqynda kóshi-qon polısıasyna arnaıy baryp, shetten kelgen qandastarymnyń qandaı jaǵdaıda dýshar bolatyn óz kózimmen kórdim. Orys tilin bilmeıtin qazaqtardyń qujattaryn qabyldap otyrǵan mamandar shúldirlep, jekip, onyń ústine óte mádenıetsiz sóılesedi eken. Tipti adam dep eseptemeıdi. Soǵan kózim jetti. Qatty yzalandym. Jatqan da qatqan búrokratıa! Ana qaǵazdy ákel, myna qaǵazdy apar, ary tur, beri tur, kele berme, pálen-túgen degen qojańdaǵan qyzmetkerlerdi kórip-estip turyp, osy eldiń azamaty bola tura qatty qorlandym jáne sumdyq uıaldym. Oý, Atamekenine óz kúshimen kelip jatqan baýyryńdy qushaq jaıa qarsy alyp, keri qaıtyp ketpesin dep baryn salyp, bárin isteý kerek qoı! Demek sondaı organdarda ultqa jany ashymaıtyn, tipti memleketimizdiń aldynda turǵan qaýip-qaterden beıhabar, strategıalyq oılaý qabileti joq basshylar otyr degen sóz! Men tipti, shetten kelgen qazaqtyń qujatyn der kezinde jasap bermeı, kerisinshe kedergi keltiretin mundaı qyzmetkerlerdi Otanyna opasyzdyq jasap otyrǵan adam dep bilemin".