"Ninety one" tobynyń 2 qazan kúni Shymkent qalasynda ótetin konserti keıinge shegerildi, - dep habarlaıdy Qamshy.kz.

K-pop stılinde sahnaǵa shyǵyp júrgen toptyń músheleri bul týraly Instagramdaǵy resmı paraqshalarynda aıtty. 

"Shymkentte ótetin konsertimiz ákimdiktiń suraýy boıynsha keıinge shegerildi. Sol kezde kóriskenshe" dedi olar.

Aıta keteıik, buǵan deıin Shymkenttik bir top jastar jınalyp, 91 tobyna qarsylyq bildirgenin habarlaǵan bolatynbyz. 

«Bizge azǵyndar emes, azamattar kerek! Bizge quzǵyndar emes, qyrandar kerek! Elin súıgen ulandar kerek!» degen Shymkent jastary arnaıy beınematerıal daıyndap, qazaq sahnasynda qyzyldy-jasyldy jigitterdiń júrýine qarsy ekenderin aıtqan edi. 

Sondaı-aq, beınematerıalda belgili ánshi Zattybek Kópbosynuly da boı kórsetip, qazaq sahnasynda «91» tobynyń júrýine qarsy ekenin jetkizgen.

Atalmysh vıdeo áleýmettik jelide qyzý talqyǵa túsip, jeli qoldanýshylarynyń pikiri ekige jaryldy. Biri shymkenttik jastardy qoldasa, endi keıbiri 30-40 adamnyń barlyq Ońtústik jastarynyń atynan sóıleýge bolmaıtynyn aıtqan edi.