AQSH-ta ótken Dúnıejúzilik kitaphana jáne aqparattyq kongreste Qazaqstan kitaphanasy alǵash ret doklad-poster usyndy. Olardyń jumysy birden úzdik dep tanyldy.
«A. S. Pýshkın atyndaǵy SHQO kóshbasshylary - oqyrmandar» stendtik baıandamasy aýyldyq kitaphana onlaın-ortalyqtarynyń jumysy jaıly. Bul joba óńirde 2012 jyldan bastap iske asyrylyp keledi. Ol kezde BUU Damý baǵdarlamasynyń tehnıkalyq qoldaýymen jáne jergilikti bılik organdarymen áriptestik negizinde aýyldyq jerde 32 onlaın-ortalyq ashylǵan. Qazir olardyń sany 45-ke jetti. Ortalyqtar jumysynyń arqasynda aýyldyqtar kompúterlik saýattylyqqa úırenip, elektrondyq úkimet portalymen tanysyp, memlekettik qyzmetter men onlaın-konsýltasıa alady.
Tórt jylda SHQO kitaphana onlaın-ortalyqtary 40 myńnan astam paıdalanýshy tirkedi. Aýyl turǵyndary úshin 6,7 myń AKT-trenıng, semınarlar ótkizdi.
SHQO stendtik baıandama posteri álemniń ár eli usynǵan eki júz jumystyń ishinde úzdik dep tanyldy. Delegasıa óz jeńisin el táýelsizdiginiń 25-jyldyǵyna arnady.
