Óskemende jáne Semeıde 60-tan astam ınvestısıalyq jobalardy iske asyrýdy usynady. Bul týraly búgin oblystyq ákimdikte otyrysta habarlady. 

 SHQO kásipkerlik, aýyl sharýashylyǵy, qurylys, bilim berý, densaýlyq saqtaý salasy  óz ınvestorlaryn kútýde. Óskemen men Semeıde ázirlengen jobalardyń basym bóligin Eýropalyq  qaıta qurý jáne damý bankimen yntymaqtastyq aıasynda iske asyrýdy josparlaýda.

Óskemen ákiminiń mindetin atqarýshy Arman Ysqaqovtyń aqparatyna sáıkes oblys ortalyǵynyń basym baǵyttarynyń arasynda jylý-, sýmen jabdyqtaý, sý bólý júıelerin jańǵyrtý, kóshe jaryǵyn aýystyrý,  Jeńis dańǵyly men Qazaqstan kósheleriniń qıylysyndaǵy kólik jol aıyryǵyn jóndeý, sondaı-aq  Ertis arqyly kópir qurylysyn salý máseleleri aıqyndaldy. Qazir qujattar ázirlenýde.

Qala bıligi EQDB-men ynymaqtastyq aıasynda qoǵamdyq kóliktiń jyljymaly quramyn jańartýdy, ózdigimen aǵatyn kanalızasıalyq kolektordy jóndeýdi josparlaýda. Qytaı kompanıasy oblys ortalyǵynda alty balabaqsha salmaq. Mektepke deıingi mekeme men kóp beıindi aýrýhana salýǵa taǵy alty joba   osy jyly tórtinshi toqsanda jarıalanatyn  konsessıoner tańdaýǵa baıqaýlardy  kútip otyr.

Semeıde jylý-, sýmen jabdyqtaý, sý bólý júıelerin jańǵyrtýǵa EQDB-men kredıttik shart jasaldy. Energıa únemdeıtin jaryqqa aýystyrý jobasyn iske asyrýǵa kelisimge qol qoıyldy. Osy qarjy ınstıtýty jelisi boıynsha taǵy 19 joba málimdeldi, olarmen jumys qalanyń komýnaldyq sharýashylyǵyn jaqsartýǵa múmkindik berdi. Óńir basshysy májiliste bankpen yntymaqtastyqta tıisti vedomstvolardyń jaqsy jumysyn atap ótti, qala ákimderiniń orynbasarlary da osy qyzmetke besene qosylý qajettigin aıtty.