Oblystyq ákimdiktiń resmı saıtynda jergilikti búdjettiń negizgi baptarymen jańa aıdar paıda boldy. 

Qoljetimdi rejimde búdjet qarajatyn ıgerý týraly aqparat aı saıyn jańartylyp otyrady, dep atap ótti SHQO ákiminiń orynbasary Qýat Týmabaev.

«Biz búdjet barsha halyqqa túsinikti bolǵanyn qalaımyz. Búdjettiń oryndalýy týraly aqparat únemi memorgandardyń Internet-resýrstaryna ornalastyrylady, óńir turǵyndary búdjet qarajaty qandaı sharalarǵa jumsalatynyn bilýi tıis. Biz arnaıy aıdardy iske qostyq, ol aı saıyn jańartylyp otyrady», - dedi ákimniń orynbasary.

  2016 jylǵy tamyzdyń basyndaǵy kórsetilgen dıagramda  qarajattyń basym bóligi áleýmettik salaǵa aýdarylǵanyn baıqaýǵa bolady. Densaýlyq saqtaý salasyna 37 paıyz, nemese 31,1 mıllıard teńge. Osy qarajat aıasynda 406 myńǵa jýyq jedel járdem, shuǵyl kómek shaqyrtý uıymdastyryldy, 396 myńnan astam adam tegin medısınalyq kómekpen qamtyldy. 10,5 myńdaı adam jeńildikpen dári aldy. Jyl basynan bastap 11 myń adam vırýsqa qarsy dári aldy. 8542 adam sýsamyrǵa qarsy dárimen qamtamasyz etildi.

SHQO ákiminiń saıtynan búdjettiń ıgerilýi týraly osyndaı aqparatty tabýǵa bolady.