Konstıtýsıa kúni qarsańynda óńirdegi memlekettik qyzmetkerler elimizdegi negizgi Zańnyń maǵynasy, memlekettiń qalyptasý jolyn anyqtaǵan tarıhı tańdaý týraly oblystyq ǵylymı-tájirıbelik konferensıa ótkizdi.

QR Memlekettik qyzmet isteri mınıstrliginiń SHQO boıynsha departamenti basshysynyń mindetin atqarýshy Qaırat Saparǵalıevtiń aıtýynsha, jańa Konstıtýsıa adam ómiri, quqyqtary men bostandyǵyn memlekettiń joǵary qundylyqtary retinde baǵalap, Qazaqstan damýynyń negizin qalady.

«21 jyl ishinde bizdiń elimiz qıyn, biraq laıyqty joldan ótti, memlekettilikti nyǵaıtý, ekonomıkalyq ósý, Qazaqstannyń ómir súrý sapasyn jáne memlekettiń halyqaralyq bedelin arttyrý úshin kóp dúnıeler jasaldy. Búgin biz qazaqstandyq damý týraly mol senimmen aıta alamyz. Bizdiń ekonomıka men qoǵamdy jańǵyrtý modelimizdi dúnıejúzilik qaýymdastyq oń qabyldap, tıimdi jáne bolashaǵy zor dep baǵalaýda. Konstıtýsıa - eldegi árbir azamattyń quqyqtary men bostandyqtarynyń kepili. Qazaqstan Respýblıkasy ózin demokratıalyq, zaıyrly, quqyqtyq jáne áleýmettik memleket retinde jarıalaıdy».

Q.Saparǵalıev Qazaqstan Respýblıkasynyń «Memlekettik qyzmet týraly» jańa Zańy qabyldanǵannan keıin, barlyq azamattar úshin memlekettik qyzmetke turý ashyq konkýrs arqyly ótkiziletinin atap ótti. 

«Dostyq úıi - qoǵamdyq kelisim ortalyǵy» Qoǵamdyq kelisimi Keńesiniń tóraǵasy Leo Shık Qazaqstan halqy birligin qamtamasyz etýdegi Konstıtýsıa róline erekshe mán berdi. SHQO Ádilet departamenti basshysynyń orynbasary Ál-Seıit Beısembek barlyq azamattardy Konstıtýsıa mazmunyn, elimizdegi basty Zańnyń sharttary men talaptaryn tolyq bilýge shaqyrdy jáne elimizdiń árbir azamaty memlekettik rámizderdi saqtaýǵa jáne qurmet tutýǵa mindetti eken atap ótti.