Qazaqstan Res­­pýb­lı­ka­sy­nyń Mem­lekettik qyz­met is­teri mı­nıstr­liginiń oblys boıynsha departa­mentiniń uıym­das­tyr­ýy­men Taldyqor­ǵan qala­sy­nyń «Jastar» saıabaǵynda bir­neshe memlekettik mekeme qyz­met­kerleri turǵyndardy ashyq áńgimege tartyp, óz salalaryn­daǵy jańalyqtar men múmkindikter jaıly túsinik jumystaryn júrgizdi.

Atap aıtar bolsaq: «Turǵyn­úıqury­lysjınaqbanki», oblystyq kásipkerlik jáne ındýstrıalyq-ınovasıalyq damý basqarmasy, oblystyq bilim basqarmasy, «Biryńǵaı jınaqtaýshy zeınetaqy qory» jáne halyqqa qyzmet kórsetý ortalyǵynyń mamandary arly-berli ótken qala tuǵyndary men qonaqtaryn tolǵandyryp júrgen suraqtarǵa jaýap berip, óz mekemeleriniń halyqqa jaqyn ekendikterin ta­nyt­ty. «Ashyq memleket» atty jańa formattaǵy halyqpen júz­desýde tek qana aqparat berip qoımaı, jahandanýdyń jańa múmkindikterin ońtaıly paıdalanýdyń ádis-tásilderin de úıretti. Mysaly, «Elektrondy úkimet» arqyly úıde oty­ryp-aq mekenjaı anyqtamasyn saıt arqyly alýǵa bolatyny, balany balabaqshaǵa kezekke qoıý, aıyppuldardyń somasyn anyqtap qana qoımaı, bank kartochkasy arqyly ony tóleýdiń joldary jáne sý, jaryq syndy komýnaldyq qyzmetterdiń de aqysyn kezekke turyp, ýaqyt joǵaltpaı tez ári jyldam óteýge bolatyny týraly maǵlumatqa qanyqtyq.

Jurttyń alǵysyna bólengen mekemeler qyzmetkerleri osyndaı is-sharalar jumysty júıeli etip qana qoımaı, ha­lyq­tyń senimin aqtap, olarmen tyǵyz qarym-qatynas or­na­tatynyn aıtty.

Máýlen Ánerbaı, "Jetisý" gazeti