Qazaqstanda VICH – ınfeksıasyn juqtyrǵan medısınalyq qyzmetkerler sany 4,4 esege ósken, -dep habarlaıdy Qamshy.kz 365info.kz -ke silteme jasap.
Respýblıkalyq SPID-pen kúres jáne profılaktıka ortalyǵynyń bul adam shoshyrlyq málimeti kóp jerde jarıalanbaǵan.
2016 jyldyń 6 aıynda respýblıka boıynsha medısınalyq mekemelerdiń 51 qyzmetkeriniń VICH dertin juqtyrǵany anyqtaldy. Olardyń jıyrma ekisi - medısınalyq qyzmetkerler, ıaǵnı dárigerler, meıirbıkeler, laboranttar. Qalǵandary qyzmet kórsetetin jumyskerler. Infeksıa kózi tek 27 orynda anyqtalǵan. Qalǵandary jaıly eshqandaı málimet joq.
Áıelder keńesindegi VICH
Qaýipti vırýs juqtyrǵan, emdelýshilerdiń tikeleı dene múshelerin qarap, naýqastarmen tikeleı jumys isteıtin 22 medısınalyq qyzmetkerge toqtalsaq.
VICH-ınfeksıasyn juqtyrǵan olardyń sany san 4,4 esege, 2015 jyldyń birinshi jarty jyldyǵymen salystyrǵanda 5 -ten 22-ge deıin ósken.
Tek, Aqmola, Aqtóbe, Mańǵystaý jáne Soltústik Qazaqstan oblystarynda ǵana medısınalyq qyzmetkerlerdiń VICH-ınfeksıasyn juqtyrý oqıǵalary tirkelmegen.
Respýblıka boıynsha VICH-ınfeksıasyn juqtyrǵan 22 medısına qyzmetkeriniń 10-y Almatyǵa tıesili. Dertti juqtyrǵannyń bári de áıelder, olardyń ekeýi áıelder keńesinde jumys istese, ekeýi—emhanada, bireýi — stasıonarda jáne úsheýi —Almaty qalalyq "SPID" ortalyǵynda jumys istegen.
VICH juqtyrǵan almatylyq aq halattylardyń bireýi dáriger, qalǵan 9-y orta bilimdi medısınalyq qyzmetkerler, ıaǵn,ı medbıkeler men laboranttar. Olardyń 8-niń jasy 40-qa tolmaǵan.
Aıtylǵan 10 adam da ınfeksıany jynystyq jolmen juqtyrǵan, degenmen bul málimetti bergen derekózderdiń kúmáni bar. Óıtkeni, olardyń kem degende altaýy ár ýaqytta ota jáne ekpe túrinde medısınalyq kómek alǵany belgili bolyp otyr.
Al, Qaraǵandy, Pavlodar jáne Ońtústik Qazaqstan oblystaryndaǵy VICH- ınfeksıasyn juqtyrǵan medbıkelerdiń «komersıalyq» tósektesteri bar ekeni anyqtalǵan. Infeksıa juqtyrǵan qalǵan tórt qyzmetker egilý jolymen esirtki qabyldaıtyn kórinedi.
Medbıkelerdiń qupıa ómiri
Dárigerlerdiń bul dertti juqtyrý joldary adam aıtsa sengisiz. Mysalǵa, almatylyq "naýqastardyń" biri 2016 jyly VICH-ke tekseristen ótken, nátıjesi taza shyqqan. Onyń tósektesinen de ınfeksıa tabylmaǵan. Degenmen, sáýir aıynda oǵan ota jasalǵan. Sodan keıin VICH paıda bolǵan. Qaıdan juqqany — anyqtalmady.
Basqa ınfeksıa juqtyrǵan medbıkeniń biri qatarynan eki adammen tósek qatynasynda bolyp júrgen, olardyń bireýi áli tekseristen ótpegen. Onyń ústine, 2014 jyly ol áıel Qapshaǵaı men Almatynyń aýrýhanalarynda em alǵan. Onyń bul dertti qaıdan juqtyryp alǵany anyqtalmaǵan.
Taǵy da bir dertti medbıkeniń tósektegi serigi VICH-dertimen aýyrmaǵan, biraq birneshe jyl buryn Almaty Ortalyq qalalyq emhanada em alǵan.
Astanadaǵy VICH- ınfeksıasyn juqtyrǵan medbıke eki balanyń anasy, 2 jyl buryn jezókshelikpen aınalysqan kórinedi. Taǵy bir elordalyq medbıke sońǵy ret VICH-ke 2010 jyly tekserilgen.
Al, Ońtústik Qazaqstan oblysyndaǵy VICH juqtyrǵan aq halattynyń biri akýsher bolyp shyqqan.
Sap-saý bolyp kiresiń, SPID juqtyryp shyǵasyń
Epıdtekseris barysynda respýblıkalyq "SPID" ortalyǵynyń qyzmetkerleri mynandaı sheshimge kelgen — ınfeksıa juqtyrǵan medbıkelerdiń barlyǵy da óz kinálarynan juqtyrǵan.
Olardyń 40% -y belgisiz adamdarmen tósek qatynasyna tússe, tórteýi jezókshelikpen aınalysqan, al 15-i VICH-ınfeksıasyn juqtyrǵandarmen jáne nashaqorlarmen jynystyq qatynasqa túsken. Al, úsh medısınalyq qyzmetkerdiń buryndary jazasyn óteý oryndarynda bolǵany anyqtaldy. Astana, Batys Qazaqstan, Qaraǵandy jáne Qostanaı oblystarynyń tórt qyzmetkeri bul ınfeksıany gomoseksýaldy jynystyq qatynas kezinde juqtyrǵan.
Bir tańqalarlyǵy 2016 jyly VICH –juqtyrdy delingen medısınalyq qyzmetkerlerdiń 43%-y buryn VICH-ınfeksıasyna tekserilmegen. VICH-ınfeksıasyn juqtyrǵan medbıkelerdiń kem degende úsheýi bul jaıly óte kesh bilgen, saldarynan dert 3-klınıkalyq deńgeıge jetken.
