Tekelide jastardyń forýmy ótti. Mono qalanyń eń jas turǵyndary ortalyq alańda bas qosyp, otansúıgish urpaq ekendikterin kórsetti. Patrıottyq ánderdi shyrqap, júzge jýyq oqýshy fleshmob bıledi. Bul shara táýelsizdiktiń 25 jyldyǵyna arnalyp uıymdastyryldy, - dep habarlaıdy Qamshy.kz "Jetisý" arnasyna silteme jasap.
Forýmnyń basy bımen bastaldy. Fleshmob bılegen júzge jýyq qyz-jigit jıylǵandardy bir jelpindirip tastady. Jalpy, "Jastyń qýaty - bilimi men biliginde, birligi men patrıottyǵynda". Memleket basshysynyń osy sózin Tekeli jastary boıtumar etken. Ár salada eńbek etken, asa belsendileri el aldynda marapattaldy. Qala ákimi men oblystyq jastar máseleleri basqarmasynyń alǵys hattary berildi. Qatarynda qarttarǵa qamqorshy Erkejan Jańajyl da bar.
Mundaı basqosýdyń úlken tárbıelik, tanymdyq astary bar. Otanshyldyq týraly oı aıtylyp, týǵan jer, atameken jaıly án shyrqalatyn jıyn jastarǵa oń áserin tıgizedi. Erteńgi kúnniń jarqyn bolýy osy toptaǵy talaıdyń qarymyna baılanysty. Qýantarlyǵy jylt etken talanty baıqalsa memleket ósýine, jumyssyzyna jumys berýge múmkindik berip otyr.
Sol eńbekqor jastardyń qataryna taǵy 23 jas mamandy qosyńyz. Olar jańa oqý jyly bastalysymen bilim salasynyń qyzmetkeri atandy. Kendi shahardyń tazalyǵyn saqtaýǵa úles qosqan, jaz boıy bosqa qarap jatpaǵan 70 ke jýyq "jasyl el" jasaqshysynyń eńbegi de el aýzynda. Tekelilik 7 myń jastyń arasynan sport pen ónerdiń bıigin baǵyndyrǵandar da jeterlik. Forýmda olardyń kimder ekeni aıtyldy, jıylǵandar shabyt alsyn degen maqsat. Shara sońy konserttik baǵdarlamaǵa jalǵasty.
