Jetisý jerinde ıntesıvti alma baǵyn ósirý qarqyndy túrde júrgizilmek. "Agrarlyq nesıe korporasıasy" AQ qarjylaı kómek kórsetýge daıyn. Almaty oblysynyń ákimi Amandyq Batalov pen korporasıanyń basqarma tóraıymy Gúlnáz Atamqulovanyń qatysýmen ótken jıynda osy másele keńinen talqylandy. Bul baǵytta nesıelik seriktestikterdiń kómegi orasan, - de habarlaıdy Qamshy.kz "Jetisý" arnasyna silteme jasap.
2016-shy jyldan beri korporasıa qoldaýymen Qazaqstanda 180 nesıe seriktestigi qurylǵan. Oǵan 12 myńnan asa aýyl sharýashylyǵy taýar óndirýshileri birikken. Almaty oblysynda 22 nesıelik seriktestik jumys isteıdi. Mamandardyń aıtýynsha, nesıelik seriktestik júıesi Irlandıa, Polsha sıaqty memleketterde asa damyǵan. Ondaǵy halyqtyń 70 paıyzy nesıeni osyndaı uıymdardardan alyp, kásipterin dóńgeletip otyr. Agrarlyq nesıe korporasıasy "Qazagro" Ulttyq basqarýshy holdıńiniń quramyna kiredi. Agroónekásip keshenin nesıeleý júıesin jalpy turǵyndarǵa qoljetimdi etýdi kózdeıdi. Osy jyl basynan beri korporasıa 82 mlrd teńge nesıe bergen. Onyń 3 jarym mlrdy jetisýlyq sharýalardyń enshisine tıdi.
Dese de bul, 2 mln halqy bar Almaty oblysy úshin óte az kórsetkish. Sondyqtan, oblys ákimi, aýdan basshylaryna nesıelik seriktestikterdiń jumysyn jandandyrýdy, bólingen qarajatty ıgerýdi, ony maqsatty jumsaýdy qatań tapsyrdy. Endigi jerde "Agrarlyq nesıe korporasıasy" men Almaty oblysy ákimdigi tyǵyz qarym-qatynasta jumys isteıtin bolady. Eki tarap yntymaqtastyqty nyǵaıtý jáne nesıe seriktestigi múshelerin qarjylandyrý aýqymyn keńeıtý týraly ózara kelisimge qol qoıdy.
AMANDYQ BATALOV
ALMATY OBLYSYNYŃ ÁKİMİ
Almaty oblysynyń qaı jaǵynan bolsyn múmkindikteri óte joǵary ekenin jaqsy bilesizder. Bizde aýylsharýashylyq ónimderiniń barlyǵy ósedi. Tipti syrttan tasymaldaýdyń qajeti joq. Sony damytý úshin baǵbandarǵa, sharýalarǵa jaǵdaı jasaýymyz tıis. Osyndaı qarjy ınstıtýttarynyń potensıalyn tıimdi paıdalanǵanymyz jón. Mine ózderi kelip otyr. Birigip jumys isteıik. Aýylsharýashylyǵyn kótereıik dep.Ústemaqysy asa joǵary emes 11 de 3 paıyz. ,Investısıalyq jobalar usynaıyq. Men qoldaýǵa daıynmyn. Biz qandaı kólemdegi qarajatty bolsyn ıgerýge, onyń eki úsh ese bolyp qaıtýy úshin jumys isteýimiz kerek. Ónimderimizdi eksporttaýǵa da jaǵdaı bar.
GÚLNÁZ ATAMQULOVA
"AGRARLYQ NESIE KORPORASIASY" AQ BASQARMA TÓRAIYMY
Jıyn barysynda bizdiń atqaratyn jumysty, Baǵdarlamanyń sharttaryn, talaptaryn aıtýǵa múmkindik boldy. Sonymen qatar, korporasıa, jetisý áleý korp, alataý frýtıs enerdjı seriktesitigi jáne ákimdik 4 jaqty memorandýmǵa qol qoıdy. Jańa jobalardy tanystyrdyq, Olardyń bolashaǵy zor dep bilemin. Iaǵnı korporasıa arqyly, nesıelik seriktestik arqyly oǵan qarajat quıyp, tabysqa jetýge bolady. Bul memlekettik baǵdarlamalardy júzege asyrýdyń birden bir joly.
