El ekonomıkasyna eleýli úles qosyp júrgen kásipkerler, endi bolashaqtaǵy basty ınvestısıamyz - bala tárbıesine basa mán berýde, - deıdi. Keshe Qaskeleń qalasynda «Mega vector» atty ınklúzıvti balabaqsha ashyldy. Qarasaı aýdanynyń isker áıeli Dınara Baıtileýqyzynyń óz qarjysymen iske qosylǵan mektepke deıingi bilim berý mekemesi, 75 balaǵa arnalǵan. Onda densaýlyǵynda kemistigi bar baldyrǵandar tárbıelenedi, - dep habarlaıdy Qamshy.kz "Jetisý" arnasyna silteme jasap.
Mundaı ınklúzıvti balabaqsha Qarasaı aýdanynda ǵana emes, óńirde de alǵash ashylyp otyr. Sondyqtan áleýmettik mańyzy zor mektepke deıingi mekemeniń jumys bastaýyna qala ákimi jáne bir top turǵyn qatysty. Saltanatty sharada kópshilik jaı balabaqsha emes, densaýlyǵynda kemistigi bar baldyrǵandarǵa arnap ortalyq ashyp otyrǵan quryltaıshyǵa alǵys aıtyp, isine sáttilik tiledi.
MARJAN MYRZAHMETQYZY, QASKELEŃ QALASY ÁKİMDİGİ APPARATYNYŃ BAS MAMANY
Bizdiń Qaskeleń qalasy boıynsha 5 memlekettik, 10 jekemenshik balabaqsha bar. Búgingi «Mega vector» balabaqshasy bul erekshe balabaqsha bolyp otyr. Óıtkeni bul ınklúzıvti balalarǵa arnalǵan. Bundaı balabaqsha aýdan kóleminde birinshi ret ashylyp otyr. Sondyqtan bizdiń ata-analarymyz úshin de biz úshin de bul qýantarlyq jaǵdaı.
1,5 - 6 jasqa deıingi búldirshinderge arnalǵan balabaqsha tańǵy saǵat 7-den keshki 7-ge deıin jumys isteıdi. Balalar jas erekshelikterine qaraı 4 topqa bólingen. Olarmen arnaıy mamandandyrylǵan, dıetolog, defektolog, logoped, psıholog, pedagog syndy 15 maman jumys isteıdi.
AJAR SHAIKÓZOVA, QASKELEŃ QALASYNYŃ TURǴYNY
Nemeremdi alyp kelip otyrmyn. Nemerem 3 jasta. Bala bizdiń bolashaǵymyz. Meni alańdatatyny -nemeremniń sóıleý defektisi bar edi. Maǵan qatty unaǵany balabaqshada defektologtar, psıhologtar jumys isteıdi eken. Jáne mamandaryna qarap otyrsam,bári mamandandyrylǵan. Aldaǵy ýaqytta balamnyń densaýlyǵy, sóıleý máneri, mádenıeti túzeledi dep oılaımyn.Kóp úmit artamyn, jáne senimdimin.
Mundaı erekshe balabaqshada ár balamen jeke jumys júrgiziledi. Pedagogtar balanyń júris-turysy, sóıleýi, oılaýyna deıin damýyn qadaǵalaıdy. Oıynyna mán beredi.
Qaskeleńdikterdiń qýanyshyna ashylǵan bul mekemede búldirshinderge 5 ýaqyt tamaq beriledi. Qazan aıynan balalardy úılerinen ákelip-aparý júıesin qolǵa alamyz deıdi, - balabaqsha quryltaıshysy. Mamandyǵy pedagog kásipker, dál osyndaı balabaqsha ashý úshin 7 jyl zerttepti. Táýekelge bel býyp, óz qarajatyn salǵan ol, endi "Balapan" baǵdarlamasyna ótýge qujattaryn jınastyrýda.
DINARA BALBEKOVA, «MEGA VECTOR» INKLÚZIVTİ BALABAQSHASYNYŃ QURYLTAISHYSY
Bul ınklúzıvti balabaqshany ashqandaǵy sebebim -óskeleń urpaqqa deni saý, bilimdi de ozat balalardy tárbıeleý. Oblys boıynsha birinshi balabaqsha. Qazir bizde 75 balamyzdyń 16 balasy sal aýrýymen aýyratyn balalar. Solarmen jumys jasap jatyrmyz.Aldaǵy ýaqytta Elbasynyń 2050 strategıasyn oryndaýǵa kóshemiz.
Bastapqy qadamyn qos qabatty shaǵyn balabaqshadan bastaǵan, kásipker, keler jylǵa keshendi mindet qoıyp otyr. 250 oryndyq ınklúzıvti ınternat-balabaqsha ashyp, Qaskeleń qalasynyń ǵana emes, oblys balalaryn jınasam deıdi.
