Sarqan qalasynda Sádýaqas Qojasbaıdy eske alýǵa arnalǵan sporttyq kópsaıystan týrnır ótti. Oblystyq deńgeıdegi básekege 10 nan astam aýdan men Taldyqorǵan qalasynyń sportshylary qatysty. Olar voleıbol, fýtbol, kúresten synǵa túsip, úzdikterin anyqtady. Sonymen qatar shara aıasynda 10 jáne 15 shaqyrymdyq marafon da uıydastyryldy, - dep habarlaıdy Qamshy.kz "Jetisý" arnasyna silteme jasap.
Sádýaqas Qojasbaıdyń Sarqan jerindegi sport salasynyń damýyna qosqan úlesi zor. 1970 jyldan beri aýdandyq sport mektebinde eńbek etip, balalar men jasóspirimderdi sporttyń túr-túrine baýlydy. Jarystarǵa barýyna qoldaý kórsetip, baǵynyń janýyna kómegin tıgizdi. Eńbegin aýyldastary umtypaıdy. Uldarynyń demeýshilik jasaýymen birneshe jyldan beri eske alýǵa arnalǵan oblystyq týrnır ótip keledi.
TURATBEK SHARAPIEV ALMATY OBLYSTYQ DENE SHYNYQTYRÝ JÁNE SPORT BASQARMASYNYŃ BASSHYSY
Endi jarys týraly. Voleıboldan báseke aýdandyq sport mektebiniń zalynda ótti. Berik Dolanbaev tórelik jasaǵan jarysta komandalar jeńis úshin sheberlikterin aıamady. Kúresten de báseke talas-tartysqa toly boldy. Sportshylar óz salmaqtary boıynsha boz kilemde baryn saldy. Al fýtboldyń qyzyǵyn kópshilik ortalyq stadıonda tamashalady. Oıynda "Jetisý" klýbynyń qosalqy komandasy da óner kórsetti. Jalpy týrnırdiń ár sportshyǵa bereri kóp deıdi palýan Dáýlet Nıazbekov.
DÁÝLET NIAZBEKOV ERKİN KÚRESTEN AZIA CHEMPIONY
Týrnırǵa jetisýlyq jelaıaqtarda qatysty. Marafon jarysy 10 jáne 15 shaqyrymdyq bop ekige bólindi. Uzaq aralyqqa júgirýden Alakóldik Almat Imashovty eshkim basyp oza almady. Jarysta ardager sportshylarda baq synady. Belgili marafonshy 66 jastaǵy Bıebaı Tilemisov jastarǵa des bermeı 100 ge jýyq qatysýshylar arasynan 8 bop júgirip keldi.
BIEBAI TİLEMİSOV MARAFONSHY
Sonymen sporttyq saıystardyń qortyndylary mynadaı. Teńbil doptan Sarqandyq sport mektebiniń komandasy birinshi, voleıboldan Qarasý, Erkin kúresten Sarqan aýdanynyń komandasy alǵa shyqty. Jaqsy óner kórsetip, ár saıysta aldyńǵy úshtiktiń qatarynan kóringender Shatyrbaı, Qapal jáne Lepsi men Aqsý komandalary.
