"Eńbek - bárin jeńbek!". Búgin Oqýshylar saraıynda osyndaı taqyrypta Taldyqorǵan qalasynyń ákimi Baǵdat Qarasaev-- qala mektepteriniń úzdik 11-synyp oqýshylaryna dáris oqydy. Ákim sabaǵyna qatarynyń aldy bolǵan 111 oqýshy qatysty, - dep habarlaıdy Qamshy.kz "Jetisý" arnasyna silteme jasap.
Olarǵa shahar basshysy tabysty adam bolýdyń qupıasyn aıtty. Aıtýynsha, búginde bıikterdi baǵyndyrý úshin talant azdyq etedi. Adam eńbekqor bolsa ǵana óz armanyna jetedi. Tanymal sport jáne estrada juldyzdary, saıasatkerler men óner qaıratkerleri búgingi bıigine -- tek eńbektiń arqasynda jetken. Sharaǵa arnaıy shaqyrylǵan qurmetti qonaq - Rıo olımpıadasynyń júldegeri Karına Gorıcheva da osy sózdi qýattady. Ol oqýshylarǵa tabys tilep, armanǵa jetý úshin jan aıamaı jumys isteý kerektigin aıtty. Sabaqtan qyz-jigitter úlken áser alyp qaıtty.
MADIAR DANIALOV QAZAQ-TÚRİK LISEIİNİŃ 11-SYNYP OQÝSHYSY
Búgin bizdiń qala ákimi esten ketpeıtin bir oqıǵa jasady. Qalamyzdaǵy barlyq úzdik oqýshylaryn jınap aldy da, bárimizge jiger berip, bolashaǵymyzǵa úlken senim bildirdi. Aldaǵy bolatyn emtıhandardan ótýge septigin tıgizetin aqyl-keńesterin berdi. Óz basym ol kisiniń áńgimesinen eń bastysy daryn emes eńbek ekenin túsindim. Eńbek arqyly qoǵamda kóp jetistikke jetýimizge bolady. Óz jetistikterimizben elimizge úlken úles qosamyz dep oılaımyn.
