Óli tabylǵan Isataı aýdandyq ishki ister bóliminiń bastyǵy Altynbek Qubaıdýllın basshylyq tarabynan esh ýaqytta sógis almaǵan.

Bul týraly búgin QR Prezıdenti janyndaǵy Ortalyq komýnıkasıalar qyzmetinde ótken brıfıńte İshki ister mınıstri Qalmuhanbet Qasymov málim etti.

BAQ ókiliniń ólgen azamattyń basshylyq tarabynan qandaı da bir sógis alǵan ba degen saýalyna mınıstr "joq" degen jaýabyn berdi.

"Joq. Ol bul qyzmetke ótken jyldyń mamyrynda taǵaıyndalǵan", - dedi ol. Qarjy polısıasy Qubaıdýllındi ustaý boıynsha operasıa júrgizdi. Ony ustap, tergedi. Odan keıin densaýlyǵynyń nasharlaýyna baılanysty aýrýhanaǵa jetkizgen. Ol jerde kúzetpen qaldyrǵan. Alaıda ol aýrýhanadan ketip qalǵan. Keshe onyń múrdesi tabyldy. Qazirgi ýaqytta sot-medısınalyq saraptama júrgizýdemiz", - dedi Qasymov.

Eske sala keteıik, ótken aptada A.Qubaıdýllındi qarjy polısıasy qoldan jasalǵan qara ýyldyryq pen 250 myń teńge túrinde para alyp jatqan sátinde qolǵa túsirdi. Tergeý kezinde onyń qan qysymy kóterilip, aýrýhanaǵa jetkizilgen bolatyn, ol sol jerden qashyp ketti.

AİİB bastyǵyna Qazaqstanda aýlaýǵa moratorıı jarıalanǵan bekire tuqymdas balyqtarmen aınalysatyn brakonerlikke qoldaý kórsetti degen kúdik keltirilýde. Chıtat polnostú:  http://news.nur.kz/kk/311708.html