Qyrǵyzstan prezıdenti Almazbek Atambaev Túrkıanyń Egeı jaǵalaýyndaǵy aýrýhanalardyń birine jatqyzyldy, - dep habarlaıdy Qamshy.kz Haberler.com-ǵa silteme jasap.
Buǵan deıin A. Atambaevtyń Nú-Iorkte ótetin BUU Bas assambleıasy sesıasyna barar jolda syrqattanyp, Túrkıada medısınalyq tekseristen ótip jatqany habarlanǵan bolatyn.
Qyrǵyzstan prezıdentiniń ákimshiligi «Aldyn ala tekserý nátıjesi boıynsha memleket basshysynda júrek aýrýynyń belgileri anyqtalǵan», - degen habar taratqan.
Al, Nú-Iorkke qyrǵyz delegasıasyn eldiń syrtqy ister mınıstri Erlan Abdyldaev bastap barady. Esterińizge salsaq, A. Atambaev 17 qyrkúıekte 60 jasqa tolyp, Bishkekte ótken TMD elderi basshylarynyń samıti mereıtoı toılaýǵa ulasqan bolatyn. A. Atambaev 2011 jyly Qyrǵyzstannyń prezıdenti bolyp saılanǵan.
