«Astana EKSPO – 2017» ulttyq kompanıasy» AQ basqarma tóraǵasy A.Esimov, Halyqaralyq kórme búrosynyń Bas hatshysy V.Lossertales, QR Energetıka mınıstri Q.Bozymbaev elordada ótken «Bolashaq energıasy» forýmynda baıandama jasady, - dep habarlaıdy Qamshy.kz aikyn.kz - ke silteme jasap.

Forýmdy «Nazarbaev ýnı­ver­­sıteti» ABU prezıdenti Sh.Kat­sý júrgizdi. Ol halyqaralyq jıyn osymen úshinshi ret uıymdasty­rylyp otyrǵanyn atap kórsetip: «Bul basqosý pikir almasýdy, tá­ji­rıbe bólisýdi jáne naqty usy­nys jasaýdy kózdeıdi. Bola­shaqtaǵy qıyndyqtardy qalaı eńseretindigimiz de osy jerde tal­qylanady», – dedi. 

Sh.Katsýdyń sózinshe, qazir dúnıejúzi balamaly qýat kóz­derin ıgilikke aınaldyrý baǵy­tynda túrli tájirıbeler men izdenisterge qadam jasap jatyr. Osy arqyly kún, jel, sý sıaqty tabıǵı qýat kózderin paıdaǵa jaratýda. 

«Biz tabıǵı qýat kózderi jal­pyǵa ortaq energıaǵa balama bo­lýy tıis degen ustanymdy qol­­daımyz. Sebebi, jasandy ener­gıa sarqylady, al tabıǵı qýat kózi eshqashan taýsylmaıdy jáne qorshaǵan ortaǵa keri áse­rin tıgiz­beıdi», – dedi «Nazarbaev ýnıver­sıteti» ABU prezıdenti. 

Budan keıin minberge «Astana EKSPO – 2017» ulttyq kompa­nıa­sy» AQ basqarma tóraǵasy A.Esimov kóterildi. Ol kúni bú­ginge deıin atqarylǵan shara­larǵa sholý jasap, halyqaralyq kórme kesheni ǵımarattarynyń qurylysy qarqyndy júrip jat­qanyn, kórme bıletteriniń sa­ty­­lymǵa shyǵarylǵanyn, «As­tana EKSPO – 2017» kórmesiniń 74 myń bıletin satyp alý boıyn­sha 5 iri kelisimshart jasalǵanyn, 4-11 qyrkúıek aralyǵynda Qa­zaq­stan boıynsha shet memle­kettiń 100-den astam týropera­toryna aqparattyq týr uıymdas­tyryl­ǵanyn, sheteldik týrıs­terdi qy­zyqtyrý úshin ha­lyqara­lyq kórme kezinde taqyryptyq jáne má­denı-saýyqtyq 4 myń is-shara ót­kiziletinin jáne kórme kezinde entotýrızmge basymdyq berile­tinin baıandady. Sóz arasynda A.Esimov «EKSPO – 2017» kór­mesine qatysýǵa nıet bildirgen mem­leketterdiń sany jospar­lanǵannan asyp ketkenin atap kórsetti. 

«EKSPO – 2017» xa­lyqara­lyq mamandandyrylǵan kórme­siniń qurylysyna keletin bol­saq, ol merzimge saı júrgizilýde. Qazirgi ýaqytta qurylystyń 85 paıyzy aıaqtaldy. Qurylys jumystaryna 13 700 adam men 560 texnıka ju­myl­dyrylǵan. Bizdiń kórmege álem qaýymdas­tyǵy qatty qy­zyǵyp jatyr. Qa­zirge deıin 103 mem­leket pen 17 xalyqaralyq uıym kórmege qatysatyn­dyqta­ryn rastap úl­gerdi», – dedi ol. 

Basqarma tóraǵasynyń baıan­daýynsha, EKSPO kórmesiniń ta­ny­maldylyǵyn arttyrý maq­satyndaǵy xalyqaralyq shara­lardy nasıhattaýǵa álemdik ká­siporyndardyń iri alańdary men álemdik BAQ tartylýda.

«Mass-medıa boıynsha aýdı­torıany qamtý 221 mln adamdy qurady. Jyl sońyna deıin bul kórsetkishti 500 mln adamǵa jet­kizýdi josparlap otyrmyz», – dedi A.Esimov.

Óz kezeginde Halyqaralyq kórme búrosynyń Bas hatshysy V.Lossertales Qazaqstannyń «EKSPO – 2017» kórmesin joǵa­ry dárejede ótkizýge degen tal­pynysy men qulshynysy kóńil­ge qýanysh uıalatatynyn tilge tıek etti. 

«Maǵan sizderdiń sapaǵa ba­symdyq berip jatqandyqta­ryńyz qatty áser etip jatyr. Men buǵan kórme keshenin bir­neshe ret ara­lap kórgen kezde kóz jetkizdim. Qurylys jumystary joǵary qar­qynmen atqarylýda. 

25 jyldyq qyzmetimde ny­san­­dar qurylysynyń jedel júr­­gizilip, óz deńgeıinde ótkizil­genin alǵash kórip otyrǵanymdy ja­syr­maımyn. Aldaǵy «EKSPO – 2017» kórmesiniń jemisti óte­tinine senim mol», – dedi Ha­lyqaralyq kórmeler búrosy­nyń bas hat­shysy.

V.Lossertalestiń sózinshe, Astanada ótetin «EKSPO – 2017» halyqaralyq kórmesiniń bola­shaqtyń energıasy taqy­rybyna arnalýy bolashaqtaǵy adamzattyń aldynan kóldeneń kezdesetin qýat kózderiniń tap­shylyǵyn sheship, turaqty da­mýyna serpin beredi. Al «Astana EKSPO – 2017» ny­sandary aldaǵy ýaqytta álemdik deńgeı­degi adamzattyń murasyna aı­nalady. 

Energetıka mınıstri Q.Bo­zym­baev «EKSPO» kórmesi ar­qyly basqa memleketter Qazaq­stanǵa erekshe nazar aýdaraty­nyn atap kórsetip: «Bul kórmeni ótkizý jaýapkershilik ári úlken syn. Osy arqyly Astana men ondaǵy ınovasıalyq ıdeıalar ózine álem nazaryn aýdarady. Atalmysh kórme adamzattyń kún tártibindegi máselelerin sheshýge úles qosýmen shektelmeı, uıym­dastyrýshy eldiń mádenı jáne saıası artyq­shylyqtary men jetistikterin ha­lyqaralyq qaýym­dastyqqa tanytýda tap­tyrmas múmkindik bolady», – dedi ol.

Aıta keteıik, «EKSPO – 2017» kórmesine 9 aı qaldy. Kórme 2017 jyly10 maýsym men 10 qyrkúıek aralyǵynda ótedi. «EKSPO – 2017» kórmesi pa­vılondarynyń texnıkalyq jab­dyqtalýy bıyl qazan aıynda aıaqtalady. «EKSPO – 2017» barysynda 93 kún ishinde Asta­nada 4 myńnan astam mádenı shara ótedi. 
EKSPO kesheni qalanyń qaq ortasynda ornalasady jáne 175 gektar aýmaqty alady. Oǵan 5 mıllıonnan astam adam keledi dep kútilýde.