Senat Tóraǵasy Qasym-Jomart Toqaev Parlamenttiń joǵarǵy Palatasynyń burynǵy depýtaty Nurlan Orazalınge Qurmet gramotasyn tabys etti, - dep habarlaıdy Qamshy.kz QazAqparatqa silteme jasap.  

Senatordyń ókilettigi Qazaqstan Respýblıkasy Prezıdentiniń Jarlyǵymen toqtatylǵan bolatyn.

N.Orazalın Memleket basshysynyń Strategıasy men reformalaryn zańnamalyq turǵyda qamtamasyz etýge eleýli úles qosqany úshin marapattaldy.

Q.Toqaev burynǵy senatordyń kásibı biliktiligi men prınsıpshildigin atap ótti jáne zań jobalary boıynsha belsendi ári nátıjeli jumysy úshin alǵys aıtty. Palata basshysy N.Orazalınge Qazaqstan Jazýshylar odaǵynyń Tóraǵasy laýazymynda tabysty qyzmet etýine tilektestigin bildirdi.

Kezdesýge qatysqan Senat Búrosynyń músheleri de áriptesine, besinshi jáne altynshy shaqyrylymdaǵy Parlamenttiń depýtatyna rızashylyq bildirdi.