Ońtústik Qazaqstanda búgingi tańda 21 kásiporyn óz ónimderin shet el asyryp, eksporttaıdy. Aımaqtyń kásipkerleri Ózbekstan, Qyrǵyzstan, Aýǵanstan jáne Tájikstan Respýblıkalaryna ósimdik maıy men un, balyq súbesi men konservilengen balyq, qus jumyrtqasyn, makaron, kondıterlik ónimderdi, qoı etin jáne sıyr etin eksporttaıdy, dep habarlady OQO ákiminiń baspasóz qyzmeti.  

Reseı naryǵyna shyǵarylatyn negizgi ónimder baqshalyq daqyldar, men kókónister İQM-ǵa arnalǵan mal azyǵy, konservilengen balyq, jemister, maqta, qyzanaq, kúrketaýyq eti,sýsyndar jáne t.b. Máselen, osy jyldyń alty aıynda teriskeıdegi kórshilerge 45 myń tonna qaýyn, 17 myń tonna qarbyz eksporttalǵan. 

Al ońtústikqazaqstandyq «Hamıt» kompanıasy balyqtyń súbe etin Grýzıa, Germanıa, Ýkraına Respýblıkalaryna jáne Reseı Federasıasyna jiberedi. 

Qazirgi tańda aýylsharýashylyǵy ónimderiniń eksporty Eýro odaq elderine shyǵa bastady. Mysaly, "Qarshyǵa" sharýa qojalyǵy alma, qaýyn jáne qarbyz ónimderin Germanıaǵa jibere bastady.

Búginde óńirimizde Iran respýblıkasyna júgeri jáne qoı etin eksportqa shyǵarý jaıy rettelýde. Saýd Arabıasyna, BAÁ jáne Irak respýblıkasyna koı etin eksporttaýǵa aldyn ala kelisimder týraly jumys júrgizilip jatyr. Osy baǵyt boıynsha osy jyldyń maýsym aıynda BAÁ-ǵa qoılar eksporttalǵany esimizde.