Túrkistan qalasynyń ir­gesinde Qarnaq degen aýyl bar. Qoja Ahmet Iasaýı kese­nesindegi ataqty «Taı­qazan» osy aýylda quıyl­ǵan. Qarnaqtyń taǵy bir erek­sheligi, munda eldiń aıtýy bo­ıynsha 1300 jyldan beri ósip kele jatqan tut aǵashy bar.

Mádenı qundy­lyq­tardy túgendeý, qu­jat­qa túsirý maq­satynda qu­rylǵan eks­pe­dısıa qura­mynda bolǵa­nymyzda osy tut aǵashyna arnaıy bardyq. Bes-alty adam qol ustasyp qushaǵyn jaısa da enine erkin boılamaıdy, dep jazady «Egemen Qazaqstan» gazetiniń tilshisi.

Osyndaǵy eski kóz aǵaı­yn­­­dardyń sózine qa­ra­ǵan­da, bul tut aǵashyn mu­syl­mandyqty ýaǵyzdaýshy din­dar Imam Baqlı ekken kórinedi. Endi biri Paıǵam­barymyzdyń ásker sardary qadaǵan shybyqtan óngen desedi.

Qarnaq aýylynyń turǵynldarynyń aıtýynsha, olar bul tut aǵashyn óte qatty maqtan etedi. Aýyldyń sımvolyna aınalǵandaı deıdi turǵyndar.

Búginde ortasyn shirik keý­lep boı-boı jarylyp jat­sa da jan-jaǵyndaǵy bu­talar jyl saıyn búr­shik jarady. Talaı ǵa­syrdy artta qaldyrǵan kónekóz aǵashtyń ja­py­raǵyn julǵan adamdar óte jaısyz tús kó­rip, qı­ynshylyqtarǵa ushy­raıdy eken. Sondyqtan da turǵyn­dar men saıahatshylar buǵan zıarat etip keledi. Bul endi bizdiń keıbir aǵaıyndar aıtatyndaı Allaǵa serik qosý emes, halqymyzdyń yrym-nanymy. Qalaı degende de tabıǵattyń bir qupıasy osy tut aǵashynyń áli kúnge deıin ómir súrýinde bolsa kerek