Astanada EKSPO-2017 úshin eriktilerdi irikteýdiń ekinshi kezeńi bastaldy. Buǵan deıin testileýden ótken 3000 eriktiler qataryna taǵy da myń jarym adam alynady. Bul qajettilik kórme aıasynda birqatar aýqymdy halyqaralyq deńgeıdegi forýmdar men is-sharalarǵa baılanysty týyndap otyr, - dep habarlaıdy Qamshy.kz "Egemen Qazaqstanǵa" silteme jasap.

Atap aıtsaq, Búkilálemdik týrısik uıymmen birlese otyryp, týrısik forýmnyń ótkizilýi týraly kelisimge keldi, sondaı-aq, dúnıe júziniń 165 memleketi qatysatyn World Boxing Council Konvensıasynyń 55 jyldyq mereıtoıy men kásibı boks keshin uıymdastyrý boıynsha memorandýmǵa qol qoıyldy.

Búgingi tańda halyqaralyq mamandandyrylǵan kórmege qatysatynyn 103 memleket pen 17 halyqaralyq uıym rastady. Taǵy da birneshe memlekettermen jumys atqarylyp jatyr. Kórmege qatysýshylar sany artýy múmkin degen boljam da bar.

Eriktilerdi irikteý barysynda testileýden alǵashqy bolyp JOO stýdentteri ótedi. Óńirler men Almaty qalasynan qatarǵa qosylǵysy keletin eriktiler úshin áńgimelesý kúzdiń aıaǵyna taman uıymdastyrylady.

EKSPO-2017 eriktileri qataryna 18 ben 80 jas aralyǵyndaǵy kez-kelgen adam qosyla alady. Tek qazaq, orys, aǵylshyn tilderin bilýi qajet.