Qazaqstan Respýblıkasy Parlamenti Májilisiniń Áleýmettik-mádenı damý komıtetiniń kezekti kóshpeli otyrysy Májilistiń Vıse-spıkeri Darıǵa Nazarbaevanyń qatysýymen komıtet tóraıymy Gúlnar Iksanovanyń jetekshiliginde Oqýshylar saraıynda ótti, dep habarlaıdy QR Parlamentiniń resmı saıty
Otyrys aldynda Oqýshylar saraıynyń dırektory Umsyn Arqabaeva ǵımaratqa ekskýrsıa júrgizip, halyq qalaýlaryn Qazaqstan Respýblıkasy Prezıdentiniń tapsyrmasy boıynsha 2011 jyldyń jeltoqsan aıynda salynǵan Oqýshylar saraıymen tanystyrdy. depýtattar 500 oryndyq «Jastar» teatryn, kórkemsýret galereıasyn, Muz aıdynyn, baseındi jáne sport zalyn tamashalady.
Kóshpeli otyrysta depýtattar «Qosymsha bilim berý júıesiniń jaǵdaıy jáne onyń balalar men jasóspirimderdiń shyǵarmashylyq qabiletterin damytýdaǵy, mektep oqýshylaryna kásibı baǵdar berýdegi jáne olardyń bos ýaqytyn uıymdastyrýdaǵy róli» degen taqyrypty taldady.
Negizgi baıandamany Bilim jáne ǵylym mınıstrliginiń Mektepke deıingi jáne orta bilim, aqparattyq tehnologıalar departamentiniń dırektory Jańyl Jontaeva jasady.
Elbasynyń Jarlyǵymen bekitilgen Qazaqstan Respýblıkasynyń bilim berý isin damytýdyń 2011-2020 jyldarǵa arnalǵan baǵdarlamasynda balalardyń qosymsha bilim berý uıymdarynyń balalar men jastardyń jeke basynyń, áleýmettik jáne kásibı óziniń ornyn belgileýdiń, olardyń beıimdiligin, zerektigin jáne múddelerin damytýdyń eń basty faktorlarynyń biri retindegi mańyzdy róli atap kórsetilgen.
Búginde qosymsha bilim berý – bul artyqshylyqtary kóp bilim berý júıesiniń ajyramas bóligi: zor talap etilýi, balanyń ózindik qasıetine qaraı baǵdarlanýy, jeke basynyń qasıetin, múddelerin jáne qabiletterin damytý.
Eger jalpy bilim berý isinde ıntellektiniń bir túri – bilim jóninde aıtylsa, qosymsha bilim berýde bala ıntellektiniń túrli qyrlaryn baǵalaýǵa biregeı múmkindigimiz bar, ıaǵnı bul daryndyq jáne jan-jaqtylyq. Ósip-jetilip kele jatqan balanyń damýyndaǵy paıdaly is-áreket koefısıenti qosymsha bilim berý mekemesinde anaǵurlym joǵary bolatyny atap ótildi.
Sóz sóıleýshiler Qosymsha bilim berý júıesiniń jaǵdaıy jáne onyń balalar men jasóspirimderdiń shyǵarmashylyq qabiletterin damytýdaǵy, mektep oqýshylaryna kásibı baǵdar berýdegi jáne olardyń bos ýaqytyn uıymdastyrýdaǵy rólin atap ótti.
Kóshpeli keńes qorytyndylary boıynsha qosymsha bilim berý júıesin jetildirý boıynsha usynystar engizildi.
Otyrys jumysyna Parlament Májilisiniń osy Komıtetiniń depýtattary, Bilim jáne ǵylym, búdjetti josparlaý, Mádenıet mınıstrlikteri men Deneshynyqtyrý jáne sport agenttiginiń ókilderi, ortalyq jáne jergilikti atqarýshy organdarynyń jaýapty qyzmetkerleri, qosymsha bilim berý uıymdarynyń basshylary, úkimettik emes uıymdardyń jáne BAQ ókilderi qatysty.
